အခန်း (၁၄၄):
နှမြောစရာကောင်းတယ်ဟုတ်? (၃)Words Count: 4712
UNICODE
Harol သည်ယင်းမြေအောက်ခန်းအားအကျဥ်းထောင်တစ်ခုအပြင် ကျေးကျွန်များထားရှိရာနေရာတစ်ခုဟုသံသယရှိခဲ့သည်။
ကလက် ကလက်။
ကျောက်လှေကားမှတဆင့် မြေအောက်ထပ်ဆီသို့ဦးတည်ဆင်းသွားခဲ့သော Cale တို့အုပ်စုသည်စကားပင်သိပ်မပြောခဲ့ကြ။ အခုလောလောဆယ်သူတို့ခေါင်းထဲ၌ အတွေးတစ်ခုတည်းသာရှိသည်။
Mana သေဗုံးတစ်လုံး။
Rosalyn သည်သက်ပြင်းချ၏။
ကလက်။
လှေကားထစ်နောက်ဆုံးအထပ်သို့ရောက်တော့ Cale သည်ခြေလှမ်းတို့အားရပ်လိုက်သည်။
"မစ္စ Rosalyn မြေအောက်ထပ်အထဲလင်းသွားအောင်အလင်းနည်းနည်းလောက်ပြပေးလို့ရမလား?"
"ရစေရမယ်လေ"
Rosalyn သည်အလင်းလုံးအချို့အားဖန်တီးလွှတ်ထုတ်ခဲ့ပြီး မြေအောက်ထပ်၏နေရာပေါင်းစုံ၌ပေါလောပေါ် စေခဲ့သည်။ သိပ်မကြာ ယင်းအလင်းလုံးများသည် မြေအောက်ထပ်တစ်ခုလုံးအားလင်းရှင်းသွားစေ၏။
"ကြည့်ရတာအကျဥ်းထောင်နဲ့တူတယ်ဒီနေရာက"
Choi Han ၏မှတ်ချက်၌ Cale သည်ခေါင်းငြိမ့်သည်။
ဧရိယာတစ်ခုလုံးမှာ သံတိုင်များဖြင့်ပြည့်နှက်နေ၏။ လမ်းလျှောက်လို့ရသောလမ်းကြောင်းများစွာရှိပါသော်လည်း ထိုလမ်းများ၏အဆုံးအားလုံးမှာအကျဥ်းခန်းများဆီသို့သာဦးတည်နေလေသည်။ Choi Han သည် ရိုးရှင်းသလိုနှင့်ရူပ်ထွေးပွေလီလှသောအခန်းတွင်းဖွဲ့ စည်းပုံအား ကြည့်ရင်းစတင်စကားပြောသည်။
"မသိရင်နေရာကြီးတစ်ခုလုံးဝင်္ကပါကြီးကျနေတာပဲ...Cale-nim ကျွန်တော်ပဲအရင်ဝင်ကြည့်လိုက်ရမလား?"
"မင်းလုပ်ချင်လို့လား?"
"...ခင်မျာ?"
Cale တစ်ယောက်ပြုံးရယ်လာသည်ကို Choi Han မြင်နေရ၏။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...