အခန်း (၁၇၃): လှည့်စားတယ်?
Words Count: 4208
UNICODE
Cale နှင့် သူ၏အဖွဲ့ တို့သည်သူတို့အလာခရီးစဥ်တုန်းကတည်းခဲ့ကြသောတည်းခိုဆောင်သို့ပြန်လာခဲ့ကြသည်။ ထိုင်ခုံပေါ် သို့ထိုင်ကာ မှီချလိုက်သော Cale ကိုကြည့်ရသည်မှာစိတ်နှင့်လူကပ်မနေသည့်ပုံပင်။
• "ဟူးမန်း အဲ့မှာကသိပ်ပျော်ဖို့ကောင်းတာပဲ! ငါကဘယ်လောက်တောင်ကြီးကျယ်မြင့်မြတ်လည်းဆိုတာသူတို့တွေသိသွားကြပြီ!"
တစ်ဖက်တွင်မူ ကိုယ်ယောင်ဖျောက် Raon မှာအလွန်အမင်းကိုတက်ကြွနေ၏။ Killer ဝေလငါးကြီး Archie သည်မယုံကြည်နိုင်စွာဖြင့်တစ်ကိုယ်တည်းရေရွတ်၏။
"...ကြောက်စရာကောင်းတဲ့ကောင်တွေ"
သူပြောနေသည့်ကြောက်စရာကောင်းတဲ့ကောင်တွေဆိုသည်မှာအဆုံးသတ်ရွာမှနတ်သူငယ်များကိုပင်ဖြစ်၏။
Cale သည်မျက်နှာကြက်အားမော့ကြည့်ကာသူတို့အားမျက်ရည်လဲရွဲဖြင့်နူတ်ဆက်ခဲ့ကြသောနတ်သူငယ်တို့၏မြင်ကွင်းကိုပြန်လည်တွေးတောမိသည်။
'ရက်ပိုင်းလောက်လေးပဲနေရသေးတာကိုပြန်ကြတော့မလို့လား? ကျွန်တော်ဖြင့်သိပ်ဝမ်းနည်းတာပဲ'
'ဒီရေခဲကန်ကြီးအောက်မှာထိန်လင်းတောက်ပတဲ့နေမင်းကိုကျွန်တော်တို့မြင်တွေ့ လိုက်ရသလိုပါပဲ...ကျွန်တော်တို့အတူကုန်ဆုံးခဲ့တဲ့ဒီအဖိုးတန်တဒင်္ဂအချိန်ကိုကျွန်တော်တစ်သက်လုံးအမှတ်ရသွားမှာပါ'
နတ်သူငယ်များသည်ငိုယိုရင်း Raon အားထိုကဲ့သို့စကားများပြောဆိုခဲ့ကြသည်။
'စိတ်မပူကြနဲ့! ငါရွှေဘိုးဘိုးကြီးနဲ့အတူပြန်လာခဲ့မယ်!'
Raon ၏တက်ကြွစွာပြောလာသောထိုစကားကိုကြားလိုက်ရသော် နတ်သူငယ်များသည်ချီးကျူးဩဘာပေးကြတော့သည်။
အထီးကျန်ရေကန်ထဲမှထွက်လာဖို့အတွက်နတ်သူငယ်များနှင့်ဒြပ်စင်တို့ကြားထဲမှတိုးထွက်လာခဲ့ရသော Cale သည်ခြေကုန်လက်ပန်းကြနေလေသည်။ ထို့နောက် သူသည်သူ၏လက်အားနွေးထွေးစွာပွတ်သပ်ကာစကားပြောခဲ့သောသက်လတ်ပိုင်းနတ်သူငယ်ကြီးအားအမှတ်ရမိခဲ့၏။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...