အခန်း (၁၂၉): တကယ်စိတ်သဘောထားကောင်းတဲ့သူ (၄)
Words Count: 5430
UNICODE
"အဲ့ဒါဆိုကျွန်မတို့အခုဘာလုပ်သင့်လဲ?"
Hannah သည်ကြံရာမရသလိုခံစားမိရင်း Cale အားကြည့်မိသည်။ သူမ၏တုန်လှုပ်နေသောမျက်လုံးအစုံမှာ Cale အားအဖြေအချို့တောင်းဆိုနေသကဲ့သို့ရှိနေသည်။ ကံမကောင်းတာကသူမသည်လူမှားရွေးခဲ့လေသည်။
"အစောနကအထိငါ့ကိုမင်းသံသယဝင်နေခဲ့တာလေ...အခုကြတော့ဘာလုပ်ရမလဲဆိုပြီးငါ့ကိုမေးနေတာလား?"
Cale သည်သူ့စိတ်ထဲတွင်တွေးမိသည့်အတိုင်းပြောချခဲ့သည်။
သူ၏ခေါင်းမှာအခုလောလောဆယ်ဒီအမြွှာနှစ်ယောက်ကိစ္စကိုကိုင်တွယ်ဖို့နေရာလွတ်ရှိမနေပါ။
"ဒါ-ဒါပေမယ့် ရှင်ကလက်ရုံးနဲ့တိုက်ခိုက်နေတာလေ"
'တိုက်ခိုက်တယ်? ဘယ်ကသာ'
Cale သည်သူ့ခေါင်းထဲတွင်ပေါ် လာသောပထမဆုံးအရာကိုပြောလိုက်ရင်းခေါင်းကိုခါလိုက်သည်။
"အခုကိုမင်းတို့တွေမစ္စ Lina ဆီကပဲအကူအညီတောင်းသင့်တယ်...မြိုင်တောကြီးကကျယ်တော့ပုန်းလို့ရနိုင်မယ့်နေရာတွေလည်းများမှာပဲ...မစ္စ Lina ကမင်းတို့တွေကိုကူညီပေးလောက်ပါတယ်"
Cale ၏လေသံအေးအေးဖြင့်ပြောလိုက်သံကိုကြားလိုက်ရပြီးနောက် Hannah သည်အနည်းငယ်စိတ်အေးသွားမိသည်။ နောက်ထပ်ဖြည့်စွက်ပြောလာသော Cale ၏စကားမှာသူမစိတ်ထဲပဲ့တင်ထပ်သွားသည်။
"ပြီးတော့ ကိုယ့်ကိုကိုယ်အရင်ကုဦး...မင်းတစ်ယောက်တည်းကပဲ ကိုယ့်ကိုကိုယ်ကာကွယ်နိုင်တာမလား...အဲ့ဒါကငါမပြောလည်းမင်းဘာမင်းသိပြီးလောက်ရောပေါ့"
"...ကျွန်မသိပါတယ်...အခုအခြေအနေကကျွန်မကိုအဲ့အကြောင်းပိုလို့တောင်သိသွားစေတယ်"
သူမ၏အစ်ကိုမှာနေနတ်ဘုရား၏ကုသနိုင်စွမ်းဖြင့်မွေးဖွားလာတာဖြစ်သည် သို့သော်လည်း ဖြစ်နိုင်ချေကတော့ထိုစွမ်းအားကြောင့်ပဲ သူမှာလုံးဝကိုကာယစွမ်းရည်မရှိပေ။ သူနှင့်ယှဥ်လျှင် သူမမှာကိုယ်ကာယလေ့ကျင့်ခန်း နှင့် ဓါးရေးတို့တွင်တစ်ဖက်ကမ်းခတ်ထူးချွန်ခဲ့လေသည်။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...