အခန်း (၁၃၃): အတူတူ
Words Count: 4466
UNICODE
လက်ဖဝါးသေးသေးလေးတစ်ခုမှာ Cale ၏နံဘေးအားဆက်တိုက်ဆိုသလိုလာထိတွေ့ သည်။"ဟူးမန်း"
"ပြော"
Cale သည်သူ၏ခါးအောက်သို့ငုံ့ကြည့်လိုက်တော့ Raon တစ်ယောက်ပြုံးရယ်နေတာကိုတွေ့ လိုက်ရ၏။
"ငါဒီနေရာကိုသဘောကျတယ်...တော်တယ် မင်းချီးကျူးခံသင့်တယ်!"
"...ကျေးဇူး"
ငါးနှစ်သားလေးတစ်ယောက်၏ချီးကျူးခံရပြီးနောက် Cale ၏မျက်နှာအမူအရာမှာမရေမရာဖြစ်သွားခဲ့လေသည်။ Eruhaben သည်လည်းထို့အတူဖြစ်၏။
"ဂွန်ဆယ် ငါတို့ရဲ့အိမ်ကမင်းရဲ့ရွှေတွေနဲ့အပြည့်ကာထားတဲ့အိမ်ထက်ပိုမကောင်းဘူးလား? ငါတို့အိမ်ကရိုးရှင်းပေမယ့် ခံ့ခံ့ညားညားရှိတယ်"
"...အေးပါ"
ရှေးဟောင်းနဂါးကြီးသည်ဒီတိုင်းပင်သဘောတူခဲ့သည်။ ထိုစဥ် Cale နှင့် Eruhaben သည်အကြည့်ချင်းဆုံမိသွား၏။ Eruhaben သည်သက်ပြင်းတစ်ချက်ချ၍တည်နေရာတစ်ခုအားညွှန်ပြသည်။
"မင်းဟိုကကျောက်တိုင်ကိုနည်းနည်းစုံစမ်းကြည့်ဖို့လိုမယ်ထင်"
Cale သည်အနှီကြောက်စရာလန့်စရာကျောက်တိုင်ကြီး၏နောက်ကြောင်းရာဇဝင်အားကျန်သောသူများကိုရှင်းပြလိုက်သည်။ သူတို့တစ်ဦးချင်းဆီသည်မတူညီသောတုံ့ပြန်ချက်တို့အားပြလာ၏။
"..."
အစောနကအချိန်ထိနေရာတွင်တွေတွေကြီးကြောင်အမ်းစွာရပ်နေခဲ့သော Hilsman အား Cale သည်လျစ်လျူရှုဖို့ဆုံးဖြတ်ခဲ့သည်။ Raon သည် Cale အားချည်းကပ်ကာသတိကြီးစွာမေးသည်။
"အနှစ်တစ်သိန်းလောက်ထိအဆင်ပြေတယ်ဆိုရင်အဲ့ဒါကြီးကိုဒီတိုင်းထားလိုက်ကြရအောင်"
'...အသက်ကြီးလာတာနဲ့အမျှဒီတစ်ယောက်ကငါနဲ့တဖြေးဖြေးဆင်လာသလိုပဲ'
သူနှင့်အကြံတူသော Raon အားစိုက်ကြည့်ရင်း Cale သည်ပီတိဖြစ်မိသောမိဘတစ်ယောက်အလားခံစားခဲ့ရလေသည်။ တစ်ဖက်တွင်တော့ Eruhaben သည်မတူညီသောတုံ့ပြန်ချက်အားပြသခဲ့သည်။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...