အခန်း (၁၃၈): အတူတူ (၆)
Words Count: 5138
UNICODE
သို့သော် ထိုပြဇာတ်ပွဲမှာအဝေးကြီးလိုသေးပြီးအဲ့မတိုင်ခင်ဖြေရှင်းရမည့်ပြသနာပေါင်းစုံလည်းရှိနေသေးပါသည်။
'ဒါပေမယ့် အဲ့ပြသနာတွေကငါရှင်းရမယ့်ဟာတွေမှမဟုတ်တာပဲလေ'
Cale သည်မြိုင်တောကြီး၏အထူးစပယ်ရှယ်သောက်စရာတစ်မျိုးဖြစ်သောရေနွေးကြမ်းတစ်ငုံအားအေးအေးလူလူပင်သောက်လိုက်သည်။ အခု Cale သည်ရေနွေးကြမ်းသောက်ရင်းဖြင့်မြိုင်တောဘုရင်မ Litana နှင့်စကားပြောနေတာဖြစ်၏။
ရေနွေးခွက်ကိုချလိုက်သည်နှင့် Litana စစကားပြောလာသည်ကို Cale ကြားလိုက်ရသည်။
"သူတော်စင်ပေးခဲ့တဲ့သတင်းအချက်အလက်တွေအရဆိုရင် အလ်ကယ်မစ်ဘဲလ်တာဝါဆီမှာသတ်ဖြတ်မှုနဲ့စစ်ပွဲတွေအတွက်စမ်းသပ်ချက်အများကြီးကိုလုပ်နေကြတာပဲ"
ထိုစကားတို့ပြောလိုက်စဥ် Litana ၏မျက်နှာမှာမူန်သုန်နေခဲ့သည်။ ဘယ်အရာကသူမအားယင်းသို့မျက်နှာမျိုးဖြစ်စေခဲ့လဲဆိုသည်ကို Cale ခန့်မှန်းမိပါသည်။ သူသည်စပြီးစကားပြောလိုက်၏။
"အဲ့သုတေသနအတွက်လက်တွေ့စမ်းသပ်ချက်တွေအများကြီးလည်းသူတို့လုပ်ခဲ့ကြလောက်တယ်"
Cale ၏မှတ်ချက်၌ Litana သည်ခေါင်းကိုငြိမ့်ပြကာသူမ၏ရေနွေးကိုဂလုခနဲမော့ချလိုက်၏။
'မပူဘူးလားမသိ?'
Litana အပူလောင်သွားမည်အား Cale သည်စိုးရိမ်မိပါသည်။
ဘန်း!။
သို့သော်လည်း သူသည် Litana တစ်ယောက်သူမ၏ရေနွေးခွက်အားဖန်စားပွဲပေါ် သို့ဘန်းခနဲပစ်ချလိုက်သည်ကိုမြင်ပြီးတာတောင်မှဘာမှဝင်မပြောခဲ့ပေ။ Litana ၏မျက်လုံးနက်နက်တို့မှာဒေါသတို့အပြည့်။
"ကျွန်မသူတို့ကိုခွင့်မလွှတ်နိုင်ဘူး...ဒီလောက်တိရစ္ဆာန်အများကြီးနဲ့ လူအရေအတွက်အများကြီးကိုအဲ့လိုရက်ရက်စက်စက်သူတို့တွေသတ်ပစ်နိုင်ရတာလဲ?!"
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...