အခန်း (၁၈၈): ရည်ရွယ်ချက်လေးတစ်ခု (၃)
Words Count: 4264
UNICODE
အခု သူစိတ်အရမ်းပျော်နေပြီဆိုတော့ စတင်ပြီးသူလှုပ်ရှားသင့်ပြီမဟုတ်ပါလား?
နှစ်သစ်ကိုကြိုဆိုသည့်အနေနှင့်ဖေဖော်ဝါရီလ၌ကျင်းပသောဤဗွီအိုင်ပီလေလံပွဲမှာ စုစုပေါင်းသုံးရက်ကြာမြင့်ပြီး ရွှေပင်ကြီးလောင်းကစားရုံအပေါ် ဆုံးထပ်၌ လျှို့ဝှက်စွာဖွင့်လှစ်သည်။
မည်သို့ပင်ဆိုစေကာမူ ထိုသည်မှာ 'လျှို့ဝှက်လေလံပွဲ' ဟုသိပ်မခေါ် နိုင် အကြောင်းမူ ယင်းလေလံပွဲကျင်းပသည့်ရက်နှင့် တက်ရောက်သောဧည့်သည်တို့၏စာရင်းအကုန်မှာအလွယ်လေးသိရှိနိုင်၍ဖြစ်သည်။ ကျိန်းသေပေါက်ဆိုသလို လေလံပွဲ၌ပါဝင်သူများအားလုံးမှာ မျက်နှာဖုံးများဝတ်ဆင်ထားကြပေမယ့် ဗီးဂတ်စ်မြို့တော်၏ဧည့်သည်စာရင်းပေါ် အခြေခံ၍ ထိုလူတို့၏သရုပ်မှန်အားသိနိုင်သည်။
ထိုသို့ကိစ္စမျိုးရှိနေတာတောင်မှဤပွဲအား 'လျှို့ဝှက်လေလံပွဲ' ဟုခေါ် နေရခြင်းမှာ လေလံပွဲမစတင်မီအချိန်အထိ မည်သူတစ်ဦးတစ်ယောက်မှ လေလံပစ္စည်းများကဘာဖြစ်မလဲဆိုသည်ကို မသိရှိနိုင်၍ဖြစ်သည်။
ရွှေပင်ကြီးလောင်းကစားရုံမှအကြီးအကဲများမှာ လေလံပစ်မည့်ပစ္စည်းများအကြောင်းအား ဘယ်သောအခါမှဆွေးနွေးပြောဆိုခြင်းမပြုကြ။ အဘယ်ကြောင့်ဆိုသော် သူတို့သည်နူတ်လုံရန်အတွက် သေဆုံးခြင်းနတ်ဘုရား၏ဘုန်းတော်ကြီးရှေ့မှောက်တွင်အသက်ရင်းကျမ်းသစ္စာကိုခံယူထားလို့ပင်။
'ဒါပေမယ့် ကောလဟာလတွေကတော့အမြဲလိုလိုထွက်လာတာပါပဲ'
အကယ်၍ လျှို့ဝှက်လေလံပွဲမကျင်းပမှီ ရှားပါးပစ္စည်းတစ်ခုများအနောက်တိုင်းဒေသကြီးထဲ၌ရှာဖွေတွေ့ ရှိခဲ့ပြီး ဘယ်သူက၎င်းပစ္စည်းအားပိုင်ဆိုင်ထားသလဲဆိုသည်အား လူအများဝေခွဲမရပါက အရင်ဆုံးသူတို့စဥ်းစားမည့်သည်မှာ ဤလျှို့ဝှက်လေလံပွဲကိုပင်ဖြစ်၏။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...