အခန်း (၁၅၀): ကြမ်းတမ်းရက်စက်ခြင်း (၅)
Words Count: 4377
UNICODE
အာရုဏ်ဦးသည်နီးကပ်လို့လာချေပြီ။မုန်တိုင်းပြီးဆုံးသွားပြီမို့ သမုဒ္ဓရာရေပြင်သည်ငြိမ်သက်သွားခဲ့သည်။ Cale သည်မိုးတိမ်တိုက်ကြီးတို့ ရှင်းလင်းသွားသောကောင်းကင်ယံကိုမော့ကြည့်ပြီးနောက် သူသည်ခေါင်းကိုငုံ့လိုက်သည်။
သူ၏ခေါင်းထဲတွင်အတွေးတစ်ခုသာရှိနေ၏။
'...ကြောက်ဖို့ကောင်းတဲ့ကောင်တွေ'
Cale သည်ကြောက်လန့်မိပါသည်။
အရာအားလုံးမှာပျက်စီးခြင်းအတိ။
ကျွန်းတွေဆီသို့ဆိုက်ရောက်နိုင်ခဲ့သောသင်္ဘောများမှအပ ကျန်သင်္ဘောများသည်ရေဝဲဒဏ်နှင့် ဝေလငါးများကြောင့်တစ်စစီရေပေါ် ၌ပေါလောပေါ် နေကြသည်။
ထို့အပြင် လူသေအလောင်းများသည်အမည်းရောင်အစက်အပြောက်များပမာပေါလောပေါ် နေသည်ကိုလည်းသူမြင်နေရ၏။
"ဟူးမန်း...မင်းလန့်သွားတာလား?"
Cale သည်အနက်ရောင်နဂါးလေး Raon ဘက်သို့လှည့်ကြည့်မိသည်။
"ဟူးမန်း ဒါကမင်းအတွက်တော်တော်များလားဟင်? ငါတို့မှာတခြားရွေးချယ်စရာမရှိလို့ပါ ဟူးမန်းရယ်"
Raon သည်ခေါင်းလေးတခါခါနှင့်လေးနက်သောအသံဖြင့်စတင်စကားပြောသည်။
"တစ်ခါတစ်လေကျရင် တစ်ဖက်ကအသက်ရှင်ကျန်နိုင်ခဲ့ဖို့အတွက် တခြားတစ်ဖက်ကသေရင်သေ ဒါမှမဟုတ် ဆိုးဆိုးရွားရွားထိခိုက်ပေးရတယ်...နောက်လာမယ့်အရူပ်ထုပ်တွေအတွက်မင်းအသက်ရှင်ကျန်နိုင်ဖို့စိတ်ကိုခိုင်ခိုင်ထားဖို့လိုတယ် ဟူးမန်း...ရွှေဘိုးဘိုးကြီးကပြောဖူးတယ်...ဒီကမ္ဘာမှာမင်းလောက်ကံဆိုးတဲ့သူဘယ်သူမရှိဘူးတဲ့"
"Raon"
"အင်း မင်းကံဆိုးတယ်ဆိုတာငါနားလည်ပေးနိုင်ပါတယ်လေ...အဲ့တော့ဒီကြီးကျယ်မြင့်မြတ်တဲ့ငါ Raon Miru ကိုသာယုံလိုက်"
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...