အခန်း (၁၁၆): ကြီးကျယ်မြင့်မြတ်သော (၄)
Words Count: 5827
UNICODE
ဘာစကားကိုမှမပြောနိုင်ရဘဲနေရာတွင်တွေတွေကြီးရပ်လို့နေသော Pendrick ဆီသို့ Cale ဦးတည်လျှောက်သွားသည်။
"Balbud ကိုဘာလုပ်မလဲဆိုတာခင်များတို့စဥ်းစားပြီးပြီလား?"
"အဲ့ဒါက..."
"ဆုံးဖြတ်ရခက်နေတယ်ဟုတ်?"
Pendrick ကခေါင်းငြိမ့်ပြသည်။
နတ်သူငယ်များ၏အတွေးကတော့ Balbud နှင့်တကွကျန်အကျဥ်းသားများအားကွပ်မျက်သင့်သည်ဟု။ သို့သော်လည်း သူတို့တွေဆီကနေမည်သည့်သတင်းအချက်အလက်မှမရလိုက်ဘဲနဲ့ တန်းပြီးကွပ်မျက်ဖို့ကတော့နှမြောစရာကောင်းနေပေသည်။
"အဲ့တော့ကျွန်တော့်ဖက်ကကမ်းလှမ်းချက်တစ်ခုပေးချင်ပါတယ်"
"ကမ်းလှမ်းချက်?"
Cale သည်နားမလည်နိုင်ဖြစ်သွားသော်လည်း သူပြောမည့်စကားတို့အပေါ် မျှော်လင့်ချက်အချို့ထားနေသော Pendrick ကိုပြုံးပြသည်။ 'လက်ရုံး' နှင့် 'အရှေ့ဖက်ဒေသကြီး' အစရှိသည့်ကိစ္စရပ်များကို Cale ထုတ်ဖော်ပြောကြားခဲ့ပုံကို Pendrick သည်ကျိန်းသေမှတ်မိပေလိမ့်မည်။ ယင်းသတင်းအချက်အလက်အသစ်တို့မှာ Cale ရွာသူကြီးရှေ့၌ထုတ်မပြောခဲ့သည့်ကိစ္စတို့ဖြစ်သဖြင့် အကယ်၍ဖြစ်နိုင်လျှင် Pendrick မှာထိုသို့သောအချက်အလက်တို့ကိုပိုမိုစုဆောင်းလိုချင်လိမ့်ပေမည်။
'လက်တုံ့ပြန်တဲ့နေရာမှာစေ့စပ်သေချာတာကနတ်သူငယ်အပြင်တခြားမျိုးနွယ်စုထပ်မရှိတော့ဘူး'
နတ်သူငယ်များမှာ သူတို့ကိုယ်သူတို့တခြားသောမျိုးနွယ်စုများထက်သာသည့်အဆင့်တန်းရှိသော မျိုးနွယ်တစ်ခုအဖြစ်သတ်မှတ်ကြသည်။ ထိုသည်က သူတို့၏ပစ္စည်းဥစ္စာတို့ကိုမမက်မောကြသည့်အကြောင်းရင်းတစ်ရပ်ဖြစ်လာသည်။ ပစ္စည်းဥစ္စာတို့ကိုမမက်မောဘဲ သဘာဝတရားထဲမှာနေနေနိုင်တာက တခြားမျိုးနွယ်စုများ အထူးသဖြင့် လူသားများထက်ပိုပြီးသာစေသည်ဟုသူတို့ကယုံကြည်သည်။ ထို့ကြောင့်ပဲလားမသိ နတ်သူငယ်များမှာ သူတို့ကိုရန်စဖို့ရွေးချယ်ခဲ့ကြသည့်မည်သည့်ရန်သူကိုမဆို သေသေချာချာလက်တုံ့ပြန်ကြလေသည်။ ယင်းသို့သောနေရာမျိုးတွင်တော့ နတ်သူငယ်များမှာအမှောင်ထုနတ်သူငယ်များထက်ပို၍နဂါးနှင့်ဆင်တူသည်။ ဘာပဲပြောပြော နဂါးများမှာနတ်သူငယ်တို့ထက်ပိုပြီးမောက်မာကြသည်ပဲမလား။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...