အခန်း (၁၈၆): ရည်ရွယ်ချက်လေးတစ်ခု
Words Count: 5752
UNICODE
သို့သော် Cale သည်တန်းမထွက်သွားနိုင်ရ။
"ဘာလို့အစောကြီးပြန်ရတာတုန်း?"
တောက်ပစွာပြုံးလို့နေသောလူတစ်ယောက်သည် Cale အနားသို့ချည်းကပ်လာ၏။
Antonio Gyerre သည်ရထားလုံးနားဆီသို့လျှောက်လာ၏။ ထိုသို့ သူချည်းကပ်လာတာကိုမြင်တော့ Cale သည်မျက်မှောင်ကြုတ်မိသည်။
'သူတို့ကမတည့်ဘူး မဟုတ်လား?'
ထိုသူတို့နှစ်ဦး၏မျက်နှာအမူအရာတို့ကိုကြည့်ရင်း Billos သည်ဤမျိုးရိုးမြင့်တို့နှစ်ဦးမှာတစ်ယောက် နှင့် တစ်ယောက်အမြင်မကြည်ကြဟု တွေးမိလေသည်။
၎င်းသခင်လေးနှစ်ဦးဆိုသည်မှာ မတူညီသောမင်းသားနှစ်ပါး၏လူယုံတော်များဖြစ်ကြသည်။ ထို့အပြင် Cale သည် Gyerre နယ်မြေတွင်းရှိ လူကုန်ကူးမှုအားဖော်ထုတ်၍ နယ်မြေတစ်ခုလုံးအားအထက် အောက်လန်ပြန်သွားစေခဲ့ကာ Gyerre အိမ်တော်အား တော်ဝင်မိသားစုထံမှသာမက အနောက်တောင်ဒေသတစ်ခုလုံးဆီမှ မျိုးရိုးမြင့်များဆီကပါ ဖိအားပေးလာမှုကို ရင်ဆိုင်နေရသည်။
'...ထူးဆန်းတယ်'
သူ၏အတွေးစဥ်နှင့်ပတ်သတ်ပြီးတစ်စုံတစ်ခုမှာထူးဆန်းလို့နေမှန်း Billos သတိပြုမိသွား၏။
'အနောက်တောင်တစ်ခုတည်းကိုပဲဘာလို့ဖိအားပေးတာ?'
အနောက်မြောက် နှင့် အရှေ့မြောက် ဒေသနှစ်ခုလုံးမှာငြိမ်နေကြ၏။ အလယ်ပိုင်းဒေသကမူ အိမ်ရှေ့စံမင်းသားကိုယ်တိုင် စုံစမ်းစစ်ဆေးမှုအဖွဲ့ အား ဒေါသတကြီးဖြင့်စေလွှတ်လိုက်ပြီးတည်းက တင်းကြပ်သောစစ်ဆေးမှုအောက်ကျရောက်နေသည်။
တခြားဒေသတွေကဘာလို့အဲ့လောက်ငြိမ်နေကြတာ?
'...ငါသိပြီ'
မကြာလိုက် သူသည်အဖြေရှာတွေ့ သွားခဲ့သည်။
အရှေ့မြောက်ဒေသတွင်ကား Duke နှင့် Marquis [¹] တို့လိုရာထူးများမရှိပေ။ ထို့ကြောင့်ပဲ ယင်းနေရာတို့၌ 'ခေါင်းဆောင်' ရှိမနေ။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...