အခန်း (၁၆၀): အရူပ်တော်ပုံ၌ဝင်ပါမိခြင်း (၇)
Words Count: 5096
UNICODE
သူရိယနန်းတော်။
ထိုသို့အမည်ပေးခဲ့ခြင်းမှာ နန်းတော်ကြီးတစ်ခုလုံးသည်တောက်ပသောသူရိယနေမင်း၏အလင်းရောင်ကဲ့သို့လင်းလက်နေခြင်းကြောင့်ပင်။
နန်းဆောင်တွင်းရှိကပွဲဟောခန်းမ ပထမထပ်ထောင့်တစ်နေရာတွင်ဖြစ်သည်။
Cale သည်အချိုပွဲပေါင်းစုံတို့တည်ခင်းထားသောစားပွဲနား၌မတ်တပ်ရပ်လို့နေသည်။
• "ဟူးမန်း! ဒီကမုန့်တွေအကုန်လုံးကအရသာရှိတာကြီးပဲ! ငါတို့ရဲ့မိသားစုဝင်တွေလည်းဒီမှာရှိရင်သိပ်ကောင်းမှာပဲနော်!"
[ စားသောက်သံ ]
Raon တစ်ယောက်စားလို့ သောက်လို့နေသောအသံမှာ Cale ခေါင်းထဲ၌ပဲ့တင်ထပ်နေ၏။
• "ရွှေဘိုးဘိုးကြီးလိုက်လာရင်လည်းသိပ်ကောင်းမှာပဲ!"
စိတ်မကောင်းစွာဖြင့် Cale သည်သူနှင့်အတူ Choi Han ရော Eruhaben ပါမခေါ် ဆောင်လာနိုင်ခဲ့။ Eruhaben သည်ပင်ပန်းသည်ဟုပြောကာအနားယူကျန်ခဲ့သည်။
'Choi Han ကကျတော့အင်ပိုင်ယာရဲ့မာစတာအဆင့်ဓါးရေးဆရာကြောင့်လိုက်လာလို့မရတာ'
Cale ၏အကြည့်တို့သည်တစ်စုံတစ်ယောက်ပေါ် သို့ကျရောက်သွား၏။
သူ၏အကြည့်တို့သည်ကပွဲခန်းမအလယ်၌တော်ဝင်မင်းသား Adin နှင့်စကားစမြည်ပြောလို့နေသောသက်လတ်ပိုင်းအမျိုးသားတစ်ဦးဆီသို့။
သူရိယရဲမက်တစ်ဦးအဖြစ်ကျော်ကြားသောထိုအမျိုးသားသည် အင်ပိုင်ယာဓါးရေးအတတ်၌ထိပ်တန်းဖြစ်လေသည်။
Huten (ဟူတန်) ။
သူသည် ခန့်မှန်းချေ လွန်ခဲ့သည့်ဆယ်နှစ်ကျော်လောက်၌မာစတာအဆင့်သို့ရောက်ရှိခဲ့ကာ အသွင်အပြင်ပုံပန်းမှာသက်လတ်ပိုင်းအရွယ်ပုံပေါက်နေသော်လည်းပဲ Huten သည်တကယ်တမ်းကျအသက်ခြောက်ဆယ်နှောင်းပိုင်းတွင်ရှိနေသောလူတစ်ယောက်ဖြစ်သည်။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...