အခန်း (၁၃၆): အတူတူ (၄)
Words Count: 4573
UNICODE
ကလက် ကလက် ကလက်။
လှေကားအောက်သို့သူတို့ပြေးဆင်းသွားသံများမှာနေရာတစ်ခုလုံးအနှံ့ပျံ့နှံ့သွားသည်။ သို့သော် မကြာမကြာထွက်ပေါ် လာတတ်သည့်ဓါးရေးကျွမ်းကျင်သူ Hannah ၏အော်ဟစ်သံသည်ထိုခြေသံတို့အားဖုံးလွှမ်းသွားပေ၏။
"Bin...သူကအခုထိအစပိုင်းအဆင့်မှာပဲရှိသေးတယ်လို့မင်းပြောခဲ့တယ်မဟုတ်လား?"
Bin သည် Cale ၏အမေးအားအလျင်စလိုပြန်တုံ့ပြန်သည်။
"ဟုတ်ပါတယ် သခင်လေး...ကျွန်တော်တို့မနေ့ညကသတင်းရတဲ့ထိတော့သူကအစပိုင်းအဆင့်မှာပဲရှိသေးတာပါ"
Hannah တစ်ယောက်တတ်နိုင်သမျှကြာကြာအစပိုင်းအဆင့်၌နေနိုင်အောင် Cale နှင့်အတူ Litana ကပါအဆင့်မြင့်ဆေးရည်များစွာတို့အားချန်ထားရစ်ခဲ့သည်။
သူ့နောက်မှ Tasha စကားပြောလာသည်ကို Cale ကြားလိုက်ရ၏။
"သူကအခုအလယ်အဆင့်ကိုရောက်နေတယ်ဆိုပေမယ့် လုံးဝကိုရောက်သွားတော့မဟုတ်ပါဘူး...ဘယ်လိုပဲနေနေ သူ့အတွက်အန္တရာယ်များတာတော့အမှန်ပါပဲ"
Tasha ၏အသံ၌အလျင်လိုသောအရိပ်အယောင်တို့ပါဝင်နေသည်။
လှေကားအောက်သို့ပြေးဆင်းရင်း Cale သည် Mary နှင့်သူပြောခဲ့သောစကားတို့အားပြန်တွေးမိသည်။ ထိုစကားမှာသူတို့တွေသင်္ဘောပေါ် တွင်ရှိခဲ့စဥ်ကပြောကြားခဲ့သောစကားတို့ဖြစ်ပေသည်။
'သူ့ကိုကူညီဖို့အတွက်နည်းလမ်းရှိတယ်လို့မင်းပြောခဲ့တယ်နော်?
'ဟုတ်ပါတယ် သူကမာစတာအဆင့်ဓါးရေးကျွမ်းကျင်သူမို့လို့ပိုပြီးတောင်ဖြစ်နိုင်ချေရှိပါတယ် သခင်လေး'
'...Mary, ငါသူ့ကိုဒီတိုင်းအသက်ရှင်ရုံလေးရှင်နေတာမျိုးမဖြစ်စေချင်ဘူးနော်'
'Mary သိပါတယ် သခင်လေး...သူ့ကိုပုံမှန်လူတစ်ယောက်လိုဖြစ်သွားတဲ့အထိ Mary ကုပေးသွားမှာပါ'
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...