အခန်း (၁၆၉): မဟုတ်မှလွဲရော (၄)
Words Count: 4627
UNICODE
"အဲ့ဒါကရူးတာပဲ"
ခပ်ငယ်ငယ်ကောင်လေးတစ်ဦးဆီမှဝိုင်တစ်ဖန်ခွက်အား Cale သည်လက်ခံလိုက်သည်။
အခုကိုသူသည်အထီးကျန်ရေကန်နှင့်အနီးစပ်ဆုံးရွာ၌ရောက်ရှိနေတာပင်။
ဤနေရာမှာရွာထဲတွင်ရှိသည့်တစ်ခုတည်းသောတည်းခိုဆောင်နှင့်စားသောက်ဆိုင်ဖြစ်သည်။ Rosalyn တစ်ယောက်အထီးကျန်ရေကန်အကြောင်းမေးလာသည်ကိုကြားလိုက်ရသော် ဆိုင်ပိုင်ရှင်၏မြေးငယ်သည်သူ၏လက်အားအပြင်းအထန်ကိုခါရမ်းပြတော့သည်။
"တခြားလတွေဆိုရင်တော့အဆင်ပြေရင်အဆင်ပြေလောက်တယ် ဒါမယ့် ဇန်နဝါရီလကြီးထဲအဲ့ကိုဝင်သွားမယ်ဆိုရင်ဒီတိုင်းသွားအသေခံသလိုဖြစ်မှာပဲ"
"ဟုတ်လား? တခြားအချိန်တွေမှာလည်းလူတွေသွားလာကြတာပဲလား?"
Cale သည်အရက်တစ်ငုံအားသောက်မိပြီးနောက် ချက်ချင်းပင်ရပ်လိုက်သည်။
အရက်မှာနွေးသော်လည်းတော်တော်ကိုပြင်းလေသည်။
'ဒါတောင်ငါပျော့တဲ့ဟာကိုမှာထားတာ'
ထိုသည်မှာသူတို့၌ရှိသည့်အပျော့ဆုံးအရက်ဖြစ်သော်လည်း သူ၏လည်ချောင်း နှင့် ဗိုက်တို့မှာလောင်ကျွမ်းနေသကဲ့သို့ခံစားနေရလေသည်။
• "ဟူးမန်း အဲ့အရက်ကအရသာရှိလား? မင်းမျက်မှောင်ကြီးကြုတ်ထားတာတောင်မှ ဘာလို့ဆက်သောက်နေတာလဲ?"
Cale သည်သူ၏အကြည့်အားလွတ်နေသောခုံတစ်လုံးဘက်သို့လှည့်ကြည့်ခဲ့သည်။ ထိုနေရာမှာလစ်ဟာလို့နေသော်လည်း Raon သည်ကိုယ်ယောင်ဖျောက်ထားလျက်ထိုနေရာ၌ထိုင်လို့နေပေသည်။ Cale သည်ဘေးပတ်လည်အားတစ်ချက်ဝေ့ကြည့်ပြီးနောက်လေသံမာမာဖြင့်စကားစပြောခဲ့သည်။
"မရဘူး"
ခြောက်နှစ်သားကအရက်သောက်မယ်? သူကနဂါးတစ်ကောင်ဖြစ်နေရင်တောင်မှ ထိုသည်အားသူခွင့်မပြုနိုင်ပါ။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...