အခန်း (၁၅၃): အင်ပိုင်ယာဆီသို့အလည်တစ်ခေါက် (၃)
Words Count: 4378
UNICODE
မည်သို့ပင်ဆိုစေကာမူ Cale ၏ကျောမှာချမ်းစိမ့်စိမ့်ဖြစ်နေခဲ့သော်ညား ကိစ္စများမှာချောချောမွေ့မွေ့ ရှိခဲ့လေသည်။
• "ဟူးမန်း ဒီတိုင်းမတ်တပ်ရပ်နေရတာကလည်းပျော်စရာကောင်းသားပဲ"
Raon ၏မှတ်ချက်၌ Cale သည်ခေါင်းအားအသာငြိမ့်ပြခဲ့သည်။
'ဒါပေါ့ ငြိမ်ငြိမ်လေးမတ်တပ်ရပ်နေရတာကအကောင်းဆုံးပဲပေါ့'
တောင်သည်တောင်သာဖြစ်ပြီး ရေသည်လည်းရေသာဖြစ်သည်။ မြစ်ထဲမှရေများရေစီးကြောင်းအတိုင်းလိုက်လံစီးဆင်းသကဲ့သို့ Cale သည်အိမ်ရှေ့စံနှင့်အတူသံတမန်အဖွဲ့ အလည်ခေါင်မှနေ၍လိုက်လံခဲ့သည်။
အလိုအလျောက်ဆိုသလို သူ၏သက်တော်စောင့်နေရာ၌တာဝန်ယူထားသောလူများသည်လည်း သူနှင့်အတူလိုက်ပါလာကြ၏။
ထိုစဥ် ရာထူးနိမ့်အမှုထမ်းတစ်ဦးသည်သူတို့အနားသို့ချည်းကပ်လာ၏။
"သခင်လေး Cale...ကျွန်တော်တို့ခဏနေရင်မှော်ရွေ့လျားစက်ဝန်းဆီသွားပါတော့မယ်"
'အဲ့ဒါကိုဘာလို့ဒီအထိငါ့ဆီလာပြီးပြောတာပါလိမ့်?'
ထိုသည်အားပြောဖို့ရာအတွက်သူ့နေရာအထိလာခဲ့သည်အားထူးဆန်းသည်ဟု Cale တွေးမိသော်လည်း ဘယ်လိုပဲဖြစ်ဖြစ် ယင်းအမှုထမ်းလေးအားသူကျေးဇူးတင်စကားဆိုခဲ့သည်။
"နားလည်ပါပြီ...အခုလိုလာပြောပေးတဲ့အတွက်ကျေးဇူးတင်ပါတယ်"
"ဟုတ်ကဲ့...အဲ့ဒါကြောင့်အရှင့်သား အိမ်ရှေ့စံကသခင်လေးကိုအရှေ့ကိုထွက်လာခဲ့ဖို့မှာကြားလိုက်တာပါ"
"...ဟမ်?"
"...ဗျာ?"
Cale ကမေးလိုက်တော့အမှုထမ်းလေးကလည်းပြန်အမေးပြုသည်။ အမှုထမ်းလေးသည်နားမလည်နိုင်စွာဖြင့်မျက်တောင်အားပုတ်ခတ်ပုတ်ခတ်လုပ်နေသော Cale အားစိုက်ကြည့်ကာစကားကိုဆက်သည်။
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...