အခန်း (၁၆၁): တစ်နည်းနည်းနဲ့ နောက်တဖန်
Words Count: 4571
UNICODE
Cale သည်အဝေးမှလူများ၏အသံအားကြားနေရသည်။ ထိုအသံများမှာအော်ပြောသံလား အော်ဟစ်သံလားဆိုသည်ကိုသူသေချာမပြောနိုင်ပါ။ မယ်မယ်ရရခွဲခြား၍မရနိုင်သောအသံပေါင်းစုံတို့မှာရောယှက်နေကြသည်။
Cale သည်ကြောင်နီနှင့်ဆက်လက်အကြည့်ချင်းဆုံလျက်စတင်စကားပြောသည်။
"Hilsman"
ကြောင်နီသည်တွန့်တက်သွား၏။
"ရက်စ် ဆာ!"
ထိုအချိန်မှာပဲ Hilsman သည်ကြောင်နီနားသို့တိုးကပ်ကာသူ၏လက် အားဆန့်တန်းလိုက်သည်။
ကြောင်နီသည်မြန်ဆန်စွာပင်လှည့်ကာထွက်ပြေးဖို့ ကြိုးစားသည်။ သို့သော် သူ၏ဗိုက်ဘေးကဒဏ်ရာက ရှေ့ခြေထောက်အားယိုင်ခွေသွားစေခဲ့ပြီး Hilsman သည်လည်းယင်းအချိန်တဒင်္ဂအားမလွတ်ခဲ့ပါပေ။
"ဖမ်းမိပြီ!"
ဒုကပ္ပတိန်သည်ဒဏ်ရာရကြောင်အားအတင်းမချုပ်နိုင်ရ ထို့ကြောင့်ပဲ သူသည်တတ်နိုင်သမျှဂရုတစိုက်ဖြင့်ကြောင်ကိုကိုင်ကာ Cale အနားသို့ချည်းကပ်ခဲ့သည်။
"ခွီးးး"
ကြောင်နီသည်သူ၏အစွယ်များအားထုတ်ပြကာလက်သည်းများအားပင့်မြှောက်လိုက်သည်။ သူ၏လက်သည်းများမှာအချိန်မရွေး Hilsman ၏လည်သာဝတ်စုံအားဖြတ်ခုတ်တော့မည့်အတိုင်း။
"ဟေ့"
ကြောင်နီသည် ထိုအချိန်၌သက်ပြင်းချသံတစ်ခုအားကြားလိုက်ရသည်။ တစ်ချိန်တည်းမှာပင် အေးစက်စက်အရည်တစ်ခုသည် သူ၏ခန္ဓာကိုယ်တစ်ကိုယ်လုံးပေါ် သို့လောင်းကျလာခဲ့သည်။
ထိုသည်မှာဆေးရည်ပင်။
ယာယီဖြေရှင်းချက်အနေဖြင့် Cale သည်ကြောင်နီပေါ် သို့ ဆေးရည်အားလောင်းချပေးခဲ့ကာ စတင်စကားပြောသည်။
"ငါ့ကိုနေရာတွေလိုက်ပြပေးခဲ့တဲ့ရဲမက်တစ်ယောက် အခုလိုဒဏ်ရာဒဏ်ချက်တွေနဲ့ဖြစ်နေတာကိုငါဒီတိုင်းလျစ်လျူရှုလိုက်လို့ဘယ်ဖြစ်မလဲ"
YOU ARE READING
❝မြို့စားကြီးမိသားစုရဲ့ ဆန်ကုန်မြေလေး❝ || 𝗩𝗼𝗹𝘂𝗺𝗲 𝟮 (𝗠𝗠 𝗧𝗿𝗮𝗻𝘀)
Fantasy🔅 𝗭𝗮𝘄𝗴𝘆𝗶 & 𝗨𝗻𝗶𝗰𝗼𝗱𝗲 𝗔𝘃𝗮𝗶𝗹𝗮𝗯𝗹𝗲 𝗦𝘁𝗮𝘁𝘂𝘀📍 - 𝗖𝗼𝗺𝗽𝗹𝗲𝘁𝗲𝗱 𝗩𝗼𝗹𝘂𝗺𝗲 𝟮 ✅🟢 ᴍʏᴀɴᴍᴀʀ ᴛʀᴀɴꜱʟᴀᴛɪᴏɴ ᴏꜰ - "𝐓𝐫𝐚𝐬𝐡 𝐎𝐟 𝐓𝐡𝐞 𝐂𝐨𝐮𝐧𝐭'𝐬 𝐅𝐚𝐦𝐢𝐥𝐲" [သူရဲကောင်းတစ်ယောက်မွေးဖွားလာခြင်း] ဆိုတဲ့ ဝတ္ထုထဲက ဇာတ်လိုက်က...
