Goodnight Like Yesterday (MiHyun FF)

100: Kiss Me

Love Me, Touch Me, Kiss Me
- Bankk Cash 🎧🎶
(mas magandang may music habang binabasa niyo 'to haha)

Tzuyu's Pov:

Gabi na nang magdesisyon akong bisitahin ulit si Dahyun sa kwarto. Nang bumalik ako sa kwarto kung saan naroon si Dahyun, naabutan ko siyang natutulog.

Mukhang napagod ang isang 'to ah. Dahan-dahan akong lumapit at naupo muna sa gilid ng kama.

Pinagmasdan ko lang siyang matulog hanggang sa pumasok sa isip kong attractive naman talaga siya.

Ano kayang nagustuhan niya kay Mina? Sa lahat ng nakilala ko, siya lang yung hindi nagmakaawa para sa atensyon ko. Kim Dahyun, Ano bang meron sayo? Bakit mas gusto mo ang walang kwentang pinsan ko kaysa sakin?

Bago pa dumami lalo ang tanong sa isipan ko, tumayo na ko. Napalingon ako sa mga dala niyang gamit. Binuksan ko ang bag niya't nalamang puro damit lang yung dala niya't iba pang bagay.

Hanggang sa makuha ng atensyon ko yung phone niyang naka-charge. Oo nga pala. Muntik ko nang makalimutang may phone nga pala siya. Kahit na nandito siya, maaaring nagkakausap parin sila ni Mina.

Kinuha ko yung phone niya't charger para itago sa kwarto ko. Hangga't nasa teritoryo ko siya, hindi siya pwedeng makipag-ugnayan kay Mina.

Bumalik rin ako agad sa kwarto niya't lumapit na ulit sa kanya para gisingin siya.

"Gising na!" Ginising ko siya't kinalbit pero mukhang malalim ang tulog niya kaya naman napa-pamewang na lang ako.

Lumabas na lang muna ko sa kwarto niya't pumunta na sa kusina. Nagugutom na ko. Hindi parin siya kumakain. Naisipan ko tuloy magluto ng dinner naming dalawa.

Wait. Hindi nga pala ako maalam sa pagluluto. Marunong lang akong magbake ng cookies. Ini-search ko pa 'yun sa internet kung paano gawin. Nakakaloka lang isipin na nareject niya 'yung effort ko dun. Kaya mas lalo akong pursigidong mapa-realize sa kanyang sinasayang niya ang atensyong binibigay ko sa kanya.

Naghanap ako ng mga pagkaing maluluto sa ref hanggang sa magdesisyon na lang akong magsearch ulit sa internet. Kinuha ko na yung mga itlog. Siguro pwede na 'yung pritong itlog saka fried chicken. Hmmm, paano nga ba 'to lutuin?

Nagsimula na kong magluto ng dinner namin. Aminado kong mahirap 'to pero wala naman akong magagawa eh. Gutom na rin ako. Makalipas ang ilang oras, ni hindi ko na alam kung tama pa ba yung ginagawa ko. Aish. Ang hirap pala talagang magluto sa bahay. Nasanay kasi akong kumakain sa mga mamahaling restaurants eh.

"Anong ginagawa mo?" Natigilan ako sa pagbaba ni Dahyun mula sa second floor.

"Nag--Nagluluto!"

"Marunong ka?"

"Mag-aaral ako!" Nagpatuloy ako sa ginagawa ko habang nakapwesto lang siya sa isang tabi sa kusina't nanonood lang sa ginagawa ko.

"Pwede ka namang kumain sa labas diba. Go! Ayos na ayos lang saking malayo sayo." Sabi niya kaya napakunot-noo ko.

Seriously? Pinapalayas niya ko sa sariling bahay ko? Ano 'to? Lokohan?!

"Hoy! Alam ko 'tong ginagawa ko. Manahimik ka na lang diyan."

"Nope. Hindi mo alam. Ni hindi mo pa nga binubuksan yung kalan. Ilang oras ka na yata diyan." Dagdag niya kaya naman mas nainis ako.