မနက်ရောက်တော့ ရှောင်းကျန့်လေးမျှော်နေတဲ့သူက အရင်မရောက်လာဘဲ
စိတ်ရှုပ်စေတဲ့ ယူဂျယ်အင်က အိမ်အထိရောက်ချလာတယ်
အဒေါ်ကတောင် သားရဲ့ အခင်ဆုံးသူငယ်ချင်းလာတယ်လို့
ပြောသွားသေး
တစ်ခုခုတော့ လွဲနေတယ် ယူဂျယ်အင်ဆိုတာ ချွဲယွန်းဆန်းသူငယ်ချင်း ဖြစ်မလာသင့်တဲ့လူ
အိမ်အထိလာရလောက်တဲ့ ဆက်ဆံရေးလည်းမဟုတ်
"ဘယ်လိုသိပြီးရောက်လာတာလဲ "
အခုချိန်မှာ အမေးသင့်ဆုံးသောမေးခွန်း
မနေ့က မတော်တဆမှုက
အကို ဆူမင်ကို ရည်ရွယ်တာလို့ ထင်ထားခဲ့တာ အခုမသေချာတော့ ယူဂျယ်အင်ရဲ့ လက်ချက်လို့တောင် ထင်ချင်လာပြီ
မဟုတ်ရင် အခုလို သိပြီးရောက်လာစရာ အကြောင်းမှမရှိတာ
"ယွန်းဆန်းနေမကောင်းတဲ့ အကြောင်းကို ပြောတာလား "
"ဟုတ်တယ် "
"ယွန်းဆန်းရဲ့ အဒေါ်ပြောမှ သိတာပါ
ကိုယ်က ဒီတိုင်း ပိတ်ရက်မလို့ အလည်လာတာ "
"ဒီလောက် အစောကြီးလား "
ယွန်းဆန်းမေးလည်းမေးချင်စရာ အခုမှ မနက် 7နာရီပဲ ရှိသေးတာ
အရမ်းစောနေတာသိပေမယ့်
ဒီကလေးလေးထိခိုက်မိထားတဲ့ ကိစ္စကို အရမ်းစိုးရိမ်နေတာ
ကိုယ်တိုင်မမြင်ရသ၍ စိတ်မချနိုင်တာမို့ အခုလို ရောက်လာခြင်း
"နည်းနည်းစောသွားတယ်
ယွန်းဆန်းကို တွေ့ဖို့လောသွားတာကြောင့်ပါ "
ဂျယ်အင်လည်း ဘာဆက်ဖြေလို့ ဖြေရမှန်းမသိတော့
ယွန်းဆန်းရဲ့ မယုံသက်ာအကြည့်တွေကို
ရဲတင်းတဲ့ အကြည့်နဲ့ ပြန်တုံ့ပြန်လိုက်တော့
နားလည်ရခက်သွားတဲ့ မျက်နှာလေးနဲ့
တကယ်ကလေးလေးပဲရှိပါသေးတယ်
"သားငယ် မျက်နှာသစ်ပြီးပြီလား
ဒဏ်ရာကိုရော ဆေးထည့်ပြီးပြီလား "
အနည်းငယ် သံသယများနေတဲ့ လေထုကို ဖြိုခွင်းသူက
အခန်းထဲရောက်လာတဲ့ အဒေါ်ဖြစ်သူ
"အခုမှနိုးတာ ဒေါ်လေး
ဘာမှမလုပ်ရသေးဘူး "
"ကျနော်ကူပေးလိုက်ပါ့မယ် အန်တီ "
ယူဂျယ်အင်က အခွင့်အရေးသေးသေးလေးကို တောင်လက်လွှတ်မခံ ကလေးလေးကို
ဂရုစိုက်ရမယ့် အရေးကို အားတက်ရောပြောတော့ ယွန်းဆန်းရဲ့ အဒေါ်ဖြစ်သူကလည်း
သဘောတကျ လက်ခံပေးတယ်
YOU ARE READING
ဆန်းဆန်းကြီး system
Fanfictionကိုယ့်ဘာသာ အေးဆေးသေပါရစေ ဂယ်ပဲ system က ဆိုပြီး ယောက်ျားပေးစားကြအုံးမယ် မသိတာခက်လို့
