ဒေါက် ဒေါက် ဒေါက်!!!!!!! (တံခါးခေါက်သံ )
တစ်ယောက်တည်း အေးဆေးအနားယူရန် ကြံရွယ်နေသော ရှောင်းကျန့်
တံခါးခေါက်သံနှင့် နှောက်ယှက်ခံရပြန်တော့
မျက်နှာလေးရှုံ့မဲ့သွားတယ်
ထပ်ပြီးဘယ်သူလဲ
တစ်နေကုန် အနားကမခွာတဲ့ ကလေးပေါက်နဲ့တင် မလုံလောက်သေးဘူးလား
အိပ်ချိန်လေးတော့ တစ်ယောက်တည်းသီးသန့် နေခွင့်ပေးကြပါ
"ကိစ္စရှိလို့လား "
ဘာပဲဖြစ်ဖြစ် အခန်းတံခါးလာခေါက်မှတော့ ပိုင်ရှင်မှာ ဖွင့်ပေးရန်တာဝန်ကရှိပြန်သေးသည် မဟုတ်ပါလား
တဆက်တည်း အခန်းရှေ့ရောက်နေသော Ton အား ရောက်လာရသည့် အကြောင်းအရင်းကိုမေးလိုက်သည်
ရှောင်းကျန့်လေးရဲ့ အနားယူချိန်ကို လာနှောက်ယှက်တဲ့ Tonမှာ အကြောင်းပြချက် ခိုင်ခိုင်လုံလုံတော့ ရှိသင့်သည်မလား
"ဒါလေးလာပေးတာ
Plant အတွက် အသုံးဝင်မယ့် ပစ္စည်းလေးဖြစ်လာလိမ့်မယ် "
လက်ထဲက လေးထောင့်ပုံးအသေးလေးကို မြှောက်ပြလာတာကြောင့်
ကြည့်လိုက်တော့ ဖုန်းအသစ်ဘူးလေး
ရှောင်းကျန့်ကောင်းကောင်းသိတာပေါ့
ဒီအရာက daily lifeမှာ ဘယ်လောက်အရေးပါလဲဆိုတာ
"ကျေးဇူး Ton "
သဘောတကျလက်ခံပြီး ကျေးဇူးတင်ကြောင်းပြောပေးတဲ့ Plantကြောင့် ပီတိဖြာရသူကတော့ Ton
Plantက Tonရဲ့ ပျော်ရွှင်မှု ရင်းမြစ်လေး
"သုံးနည်း သင်ပေးမယ် မနက်ကျရင် "
"မလိုပါဘူး Ton ကျေးဇူးတင်ပါတယ်
စေတနာထားပေးတဲ့ အတွက်
Phoneကို ကျနော်ကောင်းကောင်း အသုံးပြုတတ်တာမို့လို့ အလုပ်ရှုပ်မခံပါနဲ့ "
အမ် ဒီယုန်မြင်လို့ ဒီခြုံထွင်ထားပါတယ်ဆို
Plantက တတ်ကျွမ်းထားပြီးသားတဲ့လား
Tonရဲ့ အနီးကပ် သင်ပေးဖို့ စိတ်ကူးလေးတွေ မြောင်းထဲ ဘုတ်ခနဲပဲ
ဘယ်လိုပဲ ထက်မြက်တဲ့ အပင်လူသားလေးဖြစ်နေပါစေနည်းပညာေတွနဲ့ ရင်းနှီးပြီးသားဆိုတာကတော့ အရမ်းကြီးထူးဆန်းမနေဘူးလား
"ကောင်းပြီလေ Plant
အေးဆေးအနားယူတော့နော် ကိုယ် မနှောက်ယှက်တော့ဘူး "
YOU ARE READING
ဆန်းဆန်းကြီး system
Fanfictionကိုယ့်ဘာသာ အေးဆေးသေပါရစေ ဂယ်ပဲ system က ဆိုပြီး ယောက်ျားပေးစားကြအုံးမယ် မသိတာခက်လို့
