တကယ်ကို အန္တရာယ်များသော အချိန်တွင် ဝမ်လင်းက အချိန်မီ ရောက်လာခဲ့သည်။
အကယ်၍ သူ စက္ကန့် အနည်းငယ် နောက်ကျသွားခဲ့လျှင် သူ၏ ကောင်းကင်မျက်လုံးမှ ခန့်မှန်းထားသည့် မြင်ကွင်းကအကောင်အထည် ပေါ်လာတော့မည် ဖြစ်သည်။
နိမိတ်ပြ အတိုင်းသာဆိုလျှင် အဆုံးသတ်၌ ဗုံးပစ်စီနီယာ အင်မော်တယ်မှာ သွေးအိုင်ထဲတွင် လဲကျရင်း အဆုံးသတ်ရလိမ့်မည်သာ။
ယခုတော့ ဖန်ရှင်းက အင်မော်တယ် စံအိမ်မှ လူငယ်၏ဓားကို ဖမ်းဆုပ်ထားခဲ့သည်။
တစ်ချိန်တည်းမှာပင် ဤဓားက သာမန်ဓား မဟုတ်ကြောင်း ဝမ်လင်းက သဘောပေါက်လိုက်၏။
တိုက်ပွဲဝင်စွမ်းရည်အရ ဤဓားမှာ လွန်ခဲ့သော နှစ်ရက်က ဝမ်လင်း ဖျက်ဆီးခဲ့သော ရှေးဟောင်းမှော်ဓားထက် ပိုမိုအားကောင်းသည်။
ထို့အပြင် ဤဓားက အံ့ချီးဖွယ် အမြန်နှုန်းကို ပိုင်ဆိုင်ထား၏။
မိစ္ဆာ အင်ပါယာကွာဖီ၏ ရှေးဟောင်းမှော်ဓားကို လက်ဗလာဖြင့် ဖမ်းဆုပ်စဥ်က ဓားလမ်းကြောင်းကို တွက်ဆရန် ကောင်းကင်မျက်လုံးကို ဖွင့်စရာ မလိုသော်လည်း ဤတစ်ကြိမ်တွင်မူ သူ့အနေဖြင့် ဖွင့်ဖို့ လိုအပ်ခဲ့သည်။
ဤဓားက ရွှေရောင်တလက်လက် ဟူသောအမည်နှင့် တကယ် လိုက်ဖက်သည်။
သမိုင်းဝင် ဓားစာရင်းတွင် ပါဝင်နေသည့် မည့်သည့် ဓားရှည်မဆို သာမန်ဓားရှည်ထက် ကွဲပြားနေလိမ့်မည်သာ။
ဝမ်းနည်းစရာ ကောင်းသည်မှာ ဤတစ်ကြိမ်တွင် ဝမ်လင်းနှင့် ရင်ဆိုင်ခဲ့ရခြင်းပင်။
ဤတိုက်ပွဲက အင်မော်တယ်စံအိမ်မှ လူငယ် အတွက် ကြေကွဲစရာ ဖြစ်လာသည်။
သူနှင့်အတူ ခေါ်သွားရန် စီစဥ်ထားသည့် အမျိုးသမီးက ထွက်ပြေးသွားခဲ့ပြီး သူ၏ ဝိညာဥ်ဓားမှာလည်း တစ်ဖက်လူ၏ လက်ထဲသို့ ကျရောက်သွားခဲ့သည်။
ဤအချိန်တွင် အင်မော်တယ်စံအိမ်မှ လူငယ်မှာ အနည်းငယ် စိတ်ဓာတ်ကျနေခဲ့သည်။
သူ့နဖူးတွင် ချွေးများရွှဲနေပြီး အနည်းငယ် ပင်ပန်းသလို ခံစားနေရသည်။
![](https://img.wattpad.com/cover/355266511-288-k871373.jpg)