လူသတ်ဆရာ၏ ခွေးသား နှင့် ပတ်သက်သော ဇာတ်လမ်းက အစောပိုင်းက ကြည်နူးဖွယ်ပုံရိပ်များကို ဤကဲ့သို့ပင် ကွဲအက်သွားစေခဲ့သည်။
ယခုအခါတွင် ထွင်ထျန်းဟာကချွေးများထွက်နေပြီး မလှုပ်ရှားဝံ့တော့ပေ။
သေချာပါသည်။ ထိုဇာတ်လမ်းက သူ့ကို ရည်ရွယ်၍ ခြိမ်းခြောက်ခြင်း ဖြစ်ရပေမည်။
လူသတ်ဆရာက လုပ်ကြံမှုနယ်ပယ်နှင့် ကျင့်ကြံခြင်း အသိုင်းအဝိုင်းတွင် ထင်ရှားကျော်ကြားသော လူသတ်သမားကြီး တစ်ဦးအဖြစ် ထင်ရှားခဲ့သည်။
သူ၏ တာဝန်အားလုံးမှာ ဆိုးသွမ်းသူများကို အပြစ်ပေးခြင်းနှင့် မကောင်းမှုများကို ချေမှုန်းခြင်းတို့ဖြင့်သာ ပတ်သက်၏။
ယခုအချိန်အထိ မည်သည့်တာဝန်ကိုမျှ မကျရှုံးခဲ့ပေ။
ထို့ကြောင့် အခြေအနေက ကြောက်မက်ဖွယ် ကောင်းသော်လည်း လူသတ်ဆရာက သူ့ကို အမှန်တကယ် လုပ်ရဲလိမ့်မည်ဟု ထွင်ထျန်းဟာ မယုံခဲ့ပေ။
အရေးအကြီးဆုံးမှာ ဆရာလေးလင်းက အပေါ်ထပ်မှာ ရှိနေဆဲဖြစ်၏။
စကားတစ်ခွန်းရှိသည်မဟုတ်လော။
"ခွေးကိုရိုက်ချင်ရင် ခွေးသခင်မျက်နှာကို ကြည့်ရပေမည်"
ဝမ်လင်း၏ တည်ရှိမှုက ထွင်ထျန်းဟာ အတွက်မူ မဟာလုံခြုံရေး ကွန်ယက်တစ်ခုနှယ်။
လူသတ်ဆရာက တမင်တကာ ခြိမ်းခြောက်ခဲ့ခြင်းပင်။
အစောပိုင်းက သူ့ဇာတ်လမ်းတွင် အမှန်တစ်ဝက်၊ အမှားတစ်ဝက်ပါနေခဲ့သည်။
သူက ခွေးကို တမင်တကာ ခြိမ်းခြောက်လိုသော ရည်ရွယ်ချက်ဖြင့် ဤဇာတ်လမ်းကို ပြောပြခဲ့ခြင်းသာ။
သို့သော် အဆုံးသတ်တွင် ဤခွေးစိမ်း၏ တုံ့ပြန်မှုက သူမျှော်လင့်ထားသည်ထက် အများကြီး ငြိမ်သက်သွားခဲ့သည်။
ဤခွေးကိုကြည့်၍ လင်းကျန်းရန်က ကောလဟာလတွေအတိုင်း တကယ်ကို အားကောင်းသည်ဟု သူမှန်းဆနိုင်ခဲ့သည်။
အကယ်၍ သူသာ လင်းကျန်းရန် နှင့် တိုက်ခိုက်ရန် အခွင့်အရေး ရှိခဲ့လျှင် ယင်းက အလွန်စိတ်ဝင်စားဖွယ် ကောင်းမည်မှာ သေချာသည်။
![](https://img.wattpad.com/cover/355266511-288-k871373.jpg)