အင်မော်တယ်စံအိမ်၏ သခင်ပင်လျှင် ဤကဲ့သို့ တိကျပြတ်သားသော ဓားချက်ကို ထုတ်ဖော်လိမ့်မည်ဟု မမျှော်လင့်ခဲ့ပေ။
သူက နောက်ထပ် သတင်းစကား မပို့မီမှာပင် အမျိုးသမီး တစ်ယောက်၏ အော်ရာက လုံးဝ ပျောက်ကွယ်သွားခဲ့သည်။
စေ့စပ်ညှိနှိုင်းရန် စိတ်ဝင်စားပုံ မရသော ဖန့်ရှင်းက တစ်ချက်ထဲဖြင့် ခေါင်းကို ဖြတ်ပစ်လိုက်သည်။
ပို၍ အံသြစရာကောင်းသည်မှာ ဤသည်က အဆုံးသတ် မဟုတ်ပေ။
ဖန်ရှင်းက ပြတ်ပြတ်သားသားပင် ဆက်လက် ကိုင်တွယ်ခဲ့၏။
သူက ဝိညာဥ်စွမ်းအင်များကို လက်ဖဝါးထဲတွင် နောက်တစ်ကြိမ် စုဆောင်းပြီးနောက် သူ့လက်ကို မြှောက်လိုက်ကာ ဒုတိယ အမျိုးသမီး၏ဦးခေါင်းကို ချက်ချင်း ခုတ်ထစ်လိုက်သည်။
ဆက်တိုက်ပင် တတိယအမျိုးသမီး၏ ဦးခေါင်းကိုပါ ခုတ်ဖြတ်ပစ်လိုက်၏။
မူလစိတ်ဝိညာဥ် နယ်ပယ်ရှိ ပြင်းထန်သောဖိအားက မှိန်ဖျော့သွားသည်။
ခေါင်းသုံးလုံးက မျက်လုံးဖွင့်လျက်သားဖြင့် မြေပြင်ပေါ်တွင်လူးလိမ့်သွား၏။
သူမတို့က နာကြည်းမှုများဖြင့် သေဆုံးခဲ့ကြပြီး လည်ပင်းတွင် သွေးလုံးဝမထွက်ခဲ့ပေ။
ဖန့်ရှင်းက ခံစားချက် မယိမ်းယိုင်ရုံသာမက ရက်စက်ကြမ်းကြုတ်သူဟုလည်း ဆိုနိုင်၏။
အရေးကြီးဆုံးအချက်မှာ ခြေသလုံးအိမ်တိုင် အင်မော်တယ် အလယ်အလတ်အဆင့်ကို အသက်ရှုရန်ပင် အချိန်မပေးဘဲ မုန်လာဥလှီးသလို ခေါင်းဖြတ်သတ်ခဲ့ခြင်းပင်။
ဤမြင်ကွင်းမှာ မည်သူ့ကိုမဆို ထိတ်လန့်တုန်လှုပ်သွားစေနိုင်လောက်၏။
"ကောင်းပြီလေ.. မင်းမှာ သတ္တိရှိသားပဲ.. မြန်မြန်သေချင်နေပြီး ထင်တယ်"
အင်မော်တယ်စံအိမ်သခင်၏ ဒေါသသံက မူလစိတ်ဝိညာဥ်နယ်ပယ်သို့ ထိုးဖောက်ဝင်ရောက်ပြီး သိပ်မကြာခင်မှာပင် အပြင်ဘက်ရှိ လင်းလန်ခန်းမ၏ ခေါင်မိုးက တိုက်ရိုက်ပြုတ်ထွက်သွား၏။