ဘာသာပြန်သူ - Yuu Ki
အခန်း(၂၉) လော့လော့နဲ့တွေ့ဆုံခြင်း (၂)
ရုတ်တရက်ကြီး လူထုက ယဲ့ဖေးချန်း၏ တည်ရှိမှုကြောင့် အုံအုံကြွကြွဖြစ်လာသည်။ အစောပိုင်းက အနီရောင်ဝတ်ထားသည့် မာနတလွှားလွှားဖြင့် မိန်းကလေးမှာ ချက်ချင်းပင် နူးညံ့ကြင်နာသည့်အသွင် အဖြစ်သို့ ကူးပြောင်းသွားပေသည်။ သူမက ယဲ့ဖေးချန်းကို မျက်လုံးတစ်ဖက်မှိတ်ပြလိုက်ပြီး ချိုသာစွာ ပြုံးပြလိုက်သည်။
သို့သော် ယဲ့ဖေးချန်း၏ အေးစက်ပြီး မထူးမခြားနားသည့် အရှိန်အဝါကြောင့် လူထုက သူနှင့် ခပ်ဝေးဝေး၌သာ ရပ်ကြည့်နေရဲသည်။ ယဲ့ဖေးချန်းက ကလေးထိန်းယွီဆီသို့ လျှောက်သွားပြီး
" ခုနက ကလေးတစ်ယောက် ပြန်ပေးဆွဲခံရတယ်လို့များ ပြောလိုက်သေးလား"
ထိုအေးတိအေးစက် လူသား၏ အရှိန်အဝါကြောင့် ကလေးထိန်းယွီက မလှုပ်ရှားနိုင်တော့ဘဲ တောင့်တောင့်ကြီးဖြစ်သွားကာ
"အာ အဆင်ပြေသွားပါပြီ ကျေးဇူးပါ လူငယ်လေး"
သို့သော် ကလေးထိန်းယွီ၏ ရင်ခွင်မှ လော့လော့က အငြိမ်မနေနိုင်ပေ။
"အန်ကယ် ဒီအနီရောင် ဝတ်ထားတဲ့ အန်တီဆိုးဆိုးကြီးက သားကို ခုနက ဆွဲလုဖို့လုပ်နေတာ အီးဟီးဟီး"
လော့လော့ ငိုသံကို ကြားလိုက်ပြီးနောက် ယဲ့ဖေးချန်းအကြည့်က ထိုမိန်းကလေးဆီသို့ ကျရောက်လာသည်။
အရိုးသားဆုံး ပြောရမည်ဆိုလျှင် ယဲ့ဖေးချန်းက ကလေးများနှင့် အပေါက်အလမ်း သိပ်မတည့်ပေ။ ကလေးအပေါ် စိတ်လည်းမရှည်တတ်ချေ။ သို့သော် သည်ကလေး၏ မျက်လုံးဝိုင်းဝိုင်းများနှင့် မျက်နှာသေးသေးက သူ့အာရုံစိုက်မှုကို အပြည့်အဝ ရသွားခဲ့သည်။ သည်ကလေး၏ မည်းနက်နေသည့် မျက်ဝန်းများက သူ့ကို ပြောစရာအများကြီး ရှိနေသကဲ့သို့ပင်။
ယဲ့ဖေးချန်းက လော့လော့ကို ချစ်စရာကောင်းသည်ဟု တွေးမိလိုက်တာကြောင့် စိတ်ရှည်စွာ မေးလိုက်သည်။
" ကလေးရေ ဘာလို့ ဒီအန်တီက သားကို ပြန်ပေးဆွဲချင်တာလဲ"
လော့လော့က ထိုလူကို မျက်လုံးရွဲကြီးဖြင့် စိုက်ကြည့်ကာ လူကောင်းဖြစ်လောက်မည်ဟု ခံစားရသောကြောင့်
YOU ARE READING
စီအီးအိုရဲ့ ဗီလိန်သူငယ်ချင်း
Romanceချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...