စာစဉ်နာမည်- စီအီးအိုရဲ့ ဗီလိန်သူငယ်ချင်း
ဘာသာပြန်သူ Yuuki
134
အပိုင်း (၁၃၄) ဖွင့်ဟဝန်ခံခြင်း (၁)“ ဦးဦး သူမကို ဆရာကြီးလို့ ခေါ်ရမှာလေ”
လော့လော့၏အသံသည် ပျော့ပြောင်းသော်လည်း သူ့အမူအရာသည် အမှန်ပင်လေးနက်နေလေသည်။
“ ဦးဦး ဆရာက ဘာသားရေးသီးခြားဂိုဏ်းရဲ့ ခေါင်းဆောင်လေ၊ မော့ယွီလေး မဟုတ်ဘူး...”
သူသည် တတွတ်တွတ် ထပ်ရွတ်လိုက်လေသည်။
“ လော့လော့ ကင်းမွန်ငါးအသားလုံးလဲ စားရတာကြိုက်တယ်...”
ယဲ့ဖေးချန်း : “.....”
ဒီအစားမက်ကလေးကတော့နော်။ ချောင်မော့ယွီရဲ့ နာမည်ကိုတောင် မမှတ်မိတော့မှာ စိုးရတယ်။
ချောင်မော့ယွီသည် သက်ပြင်းချလိုက်၏။
ယဲ့ဖေးချန်းရဲ့အခေါ်အဝေါ်ကို ပြင်ပေးဖို့တောင် သိနေပြီ။ အခုမှ တာအိုလမ်းစဥ်ကို ဝင်လာတဲ့ ဒီ ၃ နှစ်အရွယ်ကလေးကလေ တော်တော်ကို စိတ်နှစ်ထားတာပါလား။
သူမသည် သူမ၏အတွေးကို စုစည်းလိုက်ပြီး ယဲ့ဖေးချန်းကို အလျင်စလို လက်ခါပြလိုက်လေသည်။
“ ရုပ်ရှင်ဧကရာဇ်ယဲ့ အဲလိုမလုပ်ပါနဲ့၊ ကျွန်မတို့ ဘုရားကျောင်းက သေးသေးလေး ပြီးတော့ ရှင့်လို လေးစားရတဲ့လူတစ်ယောက်ကို ပျိုးထောင်ပေးဖို့ မတတ်နိုင်ပါဘူး”
ယဲ့ဖေးချန်းသည် ချောင်မော့ယွီ၏စကားကို ကြားလိုက်ရပြီးနောက် မျက်ခုံးတွန့်သွားတော့သည်။
“ ငါ့ကို အဲလိုမခေါ်ပါနဲ့လို့ ပြောထားတယ်မလား”
“အင်း ပြဿနာက ရှင့်ကို ဘယ်လိုခေါ်ရမလဲ ဆိုတာမဟုတ်ဘူးလေ၊ အဓိကပြဿနာက ကျွန်မတို့ ဘုရားကျောင်းက ကျဥ်းကျဥ်းလေး၊ လူတိုင်းကို လက်ခံလို့ရရင်တောင် ရှင်က ကျတော့....”
ချောင်မော့ယွီသည် ပိုလေးနက်သည့် စကားလုံးများနှင့် ဆက်ပြောလိုက်လေသည်။
“ ရှင့်အသက်အရွယ်နဲ့ဆို ကျွန်မက ရှင်နဲ့တွေ့အခါ ရှင့်ကို ဆရာကြီးလို့ ပြန်ခေါ်နေရမှာပေါ့၊ ဒါပေမဲ့ ဆရာကြီးနေရာတစ်ခုကိုတော့ မပေးချင်ပါဘူး”
YOU ARE READING
စီအီးအိုရဲ့ ဗီလိန်သူငယ်ချင်း
Romanceချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...