စာစဉ်နာမည်- စီအီးအိုရဲ့ ဗီလိန်သူငယ်ချင်း
ဘာသာပြန်သူ Yuuki
118
အပိုင်း ( ၁၁၈) ကျွန်မက ကြွက်သားတွေရှိတဲ့လူမျိုးကို ကြိုက်တာ (၁)ထိုအချိန်တွင် လှပခမ်းနားသည့်မီးရှူးမီးပန်းများသည် လိုက်ဖ်လွှင့်နေသည့်စခရင်ပေါ်တွင် ရုတ်တရက် ဖျာထွက်လာလေသည်။ တောက်ပသည့်မီးရှူးမီးပန်းများနှင့်အတူ အမြင်အာရုံကို ဖမ်းစားနေသည့် ခေါင်းစဥ်တစ်ခု ထွက်ပေါ်လာလေသည်။
“[ချန်းယွီအတွဲစူပါဖန်]က မီးရှူးမီးပန်းများကို လက်ဆောင်ပေးလိုက်ပါတယ်”
“ဒီနေ့ရဲ့ လိုက်ဖ်မှာ လက်ဆောင်ပေးခြင်းအဆင့် ပထမနေရာရသွားတဲ့ [ချန်းယွီအတွဲစူပါဖန်]ကို ဂုဏ်ပြုပါတယ်”
ဖန်းများထဲမှတစ်ယောက်သည် စိန်တုံး၉၉,၉၉၉တန် မီးရှူးမီးပန်းများကိုကြည့်ကာ ပြောလိုက်လေသည်။
“သောက်ရမ်းချမ်းသာတဲ့လူတွေပဲဟ”
“ဝိုး ငါ့ချန်းယွီအတွဲမှာ ချမ်းသာတဲ့ဖန်တွေရှိတယ်တော့၊ မိုက်တယ်ဟေ့”
ကြည့်ရှုသူများသည် စခရင်ပေါ်တွင် သင်္ဘောကြီးတစ်စင်း ရုတ်တရက် ပေါ်လာချိန်တွင် စတင် ဆွေးနွေးလာကြတော့သည်။ တောက်ပပြီး လှပသည့်မီးပုံများချိတ်ဆွဲထားသည့် သင်္ဘောကြီးသည် ကြွယ်ဝချမ်းသာပြီး ခမ်းနားကြီးကျယ်သည့် မြင်ကွင်းတစ်ခု ဖြစ်နေတော့သည်။
‘မှတ်ချက်ပေးသည့်စခရင်’ ထပ်ပေါ်လာလေသည်။
“ [အစ်ကိုယွီ ကျေးဇူးပြုပြီး ငါ့နဲ့လာနေပါ] က အချစ်လေယာဥ်တစ်စင်းကို လက်ဆောင်ပေးလာပါတယ်”
“ဒီနေ့ရဲ့ လိုက်ဖ်မှာ လက်ဆောင်ပေးခြင်းအဆင့် ပထမနေရာရသွားတဲ့ [အစ်ကိုယွီ ကျေးဇူးပြုပြီး ငါနဲ့လာနေပါ]ကို ဂုဏ်ပြုပါတယ်”
၎င်း၏အောက်တွင် ‘မှတ်ချက်ပေးသည့်စခရင်’သည် ရူးချင်စရာကောင်းလောက်အောက် ထပ်ကျလာပြန်သည်။
“အဲဒါဘယ်သူလဲ၊ ဒီနေ့ ဘာလို့ လူချမ်းသာတွေအဲလောက်များနေတာလဲ”
“အဲလေယာဥ်က ဒေါ်လာ ၁,၉၉၉ တန်ဖိုးရှိတဲ့ စိန်တုံး ၁၉၉,၉၉၉တန်နော် ၊ အဲလောက် ချမ်းသာနေတာတောင် အစ်ကိုယွီနဲ့ အတူနေချင်ကြသေးတယ်တဲ့၊ အစ်ကိုယွီရဲ့ဆွဲဆောင်မှုကတော့ အရမ်းစွမ်းအားကြီးတာပဲ”
YOU ARE READING
စီအီးအိုရဲ့ ဗီလိန်သူငယ်ချင်း
Romanceချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...