ဘာသာပြန်သူ - YuuKi
အပိုင်း (၅၅) မျိုးရိုးဗီဇစစ်ဆေးမှုရလဒ် (၁)
မှတ်ချက်များသည် ‘အရုဏ်ဦးရဲ့လင်းရောင်ခြည်’ တရားဝင်ဘလော့ဂ်တွင် အရှိန်အဟုန်ဖြင့် စတင် ပေါ်ထွက်လာတော့သည်။
“ ဘုရားရေ ချောင်မော့ယွီတဲ့လေ၊ သူမက ချောင်ရို့ဟွမ်နဲ့ ကျန့်ချန်းချန်ကို ကျော်သွားလိမ့်မယ်လို့ ငါ ထင်တောင် မထင်ထားဘူး”
“ အမလေး ... ငါ့ရဲ့ နတ်ဘုရားမလေးဟဲ့ ၊ ပျော်လိုက်တာ ၊ ငါ့ရည်းစားက ငါ့ကိုဖွင့်ပြောတာထက်တောင် ပျော်သေးတယ်၊ မမမော့ယွီက လက်ဗလာနဲ့ ဘုတ်ပြားတွေကို ခွဲလိုက်တုန်းက ငါ ချက်ချင်းကို ကြွေသွားတာ”
“ဒါနဲ့ အဲဒီလူက ဘယ်သူလဲ၊ ဘာဖြစ်လို့ တရားဝင်ကြေငြာတာ တစ်ခုလေးတောင် မရှိတာလဲ၊ ဒီက ကလေးလေးက သိချင်နေပါပြီနော်”
“ အမလေး .. အဲဒီလူကို အရမ်းသိချင်လှပြီ”
“ မှတ်ချက်ရေးခဲ့တဲ့ အပေါ်က တစ်ယောက်ရေ ဒုတိယနေ့ လူရွေးပွဲတုန်းက ငါကြားခဲ့တာတော့ ရုပ်ရှင်ဧကရာဇ်ယဲ့က စတူဒီယိုကို လာခဲ့တယ်တဲ့၊ ငါ့ညီမလေး လုလု ကလဲ သူ့ကိုတွေ့ခဲ့တယ်လို့ ပြောတယ်၊ သူပဲ ဖြစ်ရမယ်”
“ အမလေး ၊ ဘုရားရေ တကယ်ကြီးလား၊ အဲဒီလူက ရုပ်ရှင်ဧကရာဇ်ယဲ့တဲ့လား၊ အားးးး ငါ သူတို့ရဲ့ သရုပ်ဆောင်တာတွေကို ကြည့်လိုက်ရတယ်လေ”
“ ဒါပေမဲ့ သူ ဟုတ်ချင်မှလဲ ဟုတ်မှာပါ၊ ဧကရာဇ်ယဲ့က အခုလောလောဆယ် ဘယ်တီဗွီစီးရီးမှာမှ ပါဝင်ဖို့ အစီအစဥ်မရှိဘူးလို့ ပြောထားတာမလား”
“ သူပြောခဲ့သလိုပဲ၊ အဲလိုဆိုရင်တောင် ငါတော့ အဲဒီလူကို ရုပ်ရှင်ဧကရာဇ်ယဲ့ ဖြစ်စေချင်သေးတယ်”
“ ဘာမှတော့ ဆက်စပ်မှုမရှိဘူးမလား၊ ငါတို့တွေ ဒီနေရာမှာ အမျိုုးသမီး သရုပ်ဆောင် အကြောင်း ပြောနေကြတာလေ၊ အမှန်အတိုင်းပြောရရင် တရားဝင် ကြေငြာချက်မှာ ချောင်မော့ယွီလို့ ပြောထားတာက ပိုတောင် အံ့ဩစရာကောင်းသေးတယ်”
“ မဖြစ်နိုင်တာ၊ အဲဒီ ချောင်မော့ယွီဆိုတာ ဘယ်သူလဲ၊ သူမက ‘ရှန်းရှီ’မှာပါလာတဲ့ စာသား ဆယ့်ရှစ်ကြောင်းပဲ ပြောရတဲ့ သရုပ်ဆောင်ငယ်ငယ်လေး မလား၊ သူမက အခန်းအများကြီးတောင် မပါလိုက်ဘူးလေ ဒါကို သူမက ဘယ်လိုများ အမျိုးသမီးဇာတ်ဆောင်နေရာကို ရသွားတာလဲ”
YOU ARE READING
စီအီးအိုရဲ့ ဗီလိန်သူငယ်ချင်း
Romanceချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...