စာစဉ်နာမည်- စီအီးအိုရဲ့ ဗီလိန်သူငယ်ချင်း
ဘာသာပြန်သူ Yuuki
အပိုင်း (၁၉၁) ကိုယ့်ရဲ့ရွှေငါးလေး (၃)
ချောင်မော့ယွီသည် တံခါးမှနေ၍ နောက်ဆုတ်လိုက်ပြီး ‘ ဝင်လာလေ’ ဟုပြောမည်ပြင်လိုက်စဥ် သူသည် အထဲသို့ လှမ်းနှင့်ပြီးဖြစ်ကာ သူမကို ပွေ့ဖက်ထားလိုက်သည်။
ည၏အေးစိမ့်စိမ့်လေသည် သူ့ခန္ဓာကိုယ်ပေါ်တွင် ရစ်တွယ်နေပြီး ပါးလွှာသည့် အဝတ်အစား ဝတ်စားထားသည့် သူမကို တုန်ယင်သွားစေတော့သည်။
“ဘာဖြစ်လို့လဲ”
သူမသည် ဘာမှမဖြစ်ဟန်ဖြင့် ခေါင်းမော့ကာ မေးလိုက်လေသည်။
“ ဘာလို့ရောက်လာတာလဲဟင် ၊ တစ်ခုခုဖြစ်လို့လား”
အမှန်တွင် သူတို့သည် နေ့ခင်းက ရိုက်ကူးရေးတွင် တွေ့ခဲ့ကြပြီး နေ့လယ်စာပင် အတူတူ စားခဲ့ကြသေးသည်။
“ မော့ယွီလေး ညီမ တစ်ခုခုဖြစ်နေပြီလို့ ကိုယ်ထင်လိုက်မိတာလေ”
ယဲ့ဖေးချန်း၏အသံသည် စိုးရိမ်ပူပန်မှုကြောင့် လေးလံနေပြီး ခေါင်းငုံ့ကာ သူမ၏နဖူးကို နမ်းလိုက်လေသည်။
“ ညီမ ဘာမှမဖြစ်ပါဘူး”
ချောင်မော့ယွီသည် ယဲ့ဖေးချန်းရောက်လာသည်မှာ သူမကို ဆူပူရန်မဟုတ်လျှင် ထိပ်တိုက်တွေ့ရန် ဟုထင်ခဲ့၏။ သို့သော် သူ့သဘောထားသည် သူမကို တနည်းနည်းဖြင့် သေချာမသိနိုင်အောင် ဖြစ်နေစေတော့သည်။
“ ခုနက ကိုယ်ဖုန်းထဲမှာ မေးခဲ့တဲ့မေးခွန်းကို အထင်လွဲသွားတာလားဟင်”
သူ မေးလိုက်၏။
သူမသည် အားတင်းကာ ပြုံးလိုက်ပြီး
“ ဟင့်အင်း”
ယဲ့ဖေးချန်းသည် ချောင်မော့ယွီ သေချာပေါက်အထင်လွဲသွားသည်ကို သိလိုက်၏။ သူသည် တစ်လမ်းလုံး အလျင်စလိုဖြင့် အပြေးလာခဲ့ရာ သူ့ခန္ဓာကိုယ်ပေါ်တွင် ဖုန်မှုန်းများပင် ရှိနေသေးသည်။ သို့သော် လက်ရှိအခြေအနေသည် ထိုအကြောင်းကို ပြောရန် အချိန်ကောင်းမဟုတ်သည်ကို သိလိုက်၏။
YOU ARE READING
စီအီးအိုရဲ့ ဗီလိန်သူငယ်ချင်း
Romanceချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...
