စာစဉ်နာမည်- စီအီးအိုရဲ့ ဗီလိန်သူငယ်ချင်း
ဘာသာပြန်သူ Yuuki
131
အပိုင်း (၁၃၁) ငါ့ကိုလဲခေါ် (၁)ရှင်းရီချန်သည် ချောင်ရို့ဟွမ် လာနေသည်ကို မြင်လိုက်ရသဖြင့် သူ့ notebookကို ပိတ်လိုက်ပြီး ထရပ်လိုက်သည်။
“ အခုပဲ ပြီးတယ်”
ချောင်ရို့ဟွမ်သည် ပျော်ရွှင်မှုအပြည့်ဖြင့် ပြောလိုက်၏။
“ ဒါဆို အနားယူကြမယ်”
ရှင်းရီချန်သည် ခေါင်းညိတ်ပြလိုက်၏။
“ ကိုယ် ရေအရင်ချိုးလိုက်အုံးမယ်”
သူသည် ထိုသို့ပြောလိုက်စဥ်မှာပင် ချောင်ရို့ဟွမ်သည် သူ့ရှေ့ရောက်လာ၏။ သူမသည် လက်ကို ဆန့်ထုတ်လိုက်ပြီးနောက် သူ့လည်ပင်းကို သိုင်းဖက်လိုက်လေသည်။
“ ကိုကိုရီချန် ရှင်းစီးပွားရေးအုပ်စုနဲ့ ချုပ်ထားတဲ့ ညီမရဲ့စာချုပ်က ပြည့်တော့မယ်နော်....”
“ မြန်လှချည်လား”
ရှင်းရီချန်သည် အမှတ်တမဲ့ ပြန်မေးလိုက်၏။
ရှင်းစီးပွားရေးအုပ်စုသည် သရုပ်ဆောင်များကိုငှားရမ်းရာတွင် သာမန်အားဖြင့် တစ်နှစ်တာစာချုပ်သာ ချုပ်ဆိုလေ့ရှိသည်။ သို့သော် ချောင်ရို့ဟွမ်သည် ရှင်းရီချန်၏ချစ်သူဖြစ်သောကြောင့် နှစ်နှစ်စာချုပ် စံချိန်ချိုးကာ နှစ်နှစ်စာ စာချုပ်ချုပ်ခဲ့ခြင်းဖြစ်သည်။
သူတို့ စေ့စပ်ခဲ့ကြသည်မှာ လွန်ခဲ့သည့်နှစ်နှစ်က ဆိုလျှင်လည်း ဟုတ်ပေသည်။ ရှင်းရီချန်သည် အနည်းငယ် သတိလွတ်သွားတော့သည်။
နှစ်နှစ်က ဒီလိုပဲ ကုန်သွားတာတဲ့လား။
“ အင်း ၊ နောက်ရက်အနည်းငယ်ဆိုရင် ညီမတို့ ချစ်သူသက်တမ်း နှစ်နှစ်ပြည့်တော့မှာ”
ချောင်ရို့ဟွမ်၏လက်ချောင်းများသည် ရှင်းရီချန်၏ခန္ဓာကိုယ်ကို ကျီစယ်နေ၏။
“ အရင်တုန်းက ညစာစားပွဲအတွက် ရက်ချိန်းတွေကို ဝမ်ရွှမ်းကပဲလုပ်ပေးတာ၊ ဒါပေမဲ့ အခုတော့ သူမက ညီမကို ဂရုမစိုက်ဘူးလေ၊ ဒီနေ့ စျေးထဲကကိစ္စက တကယ်အထင်လွဲနေတာပါ၊ ဒါကြောင့် ကိုကို ညီမအတွက် သူမကို ပြောပေးရမယ်နော်”
YOU ARE READING
စီအီးအိုရဲ့ ဗီလိန်သူငယ်ချင်း
Romanceချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...