ဘာသာပြန်သူ - Yuu Ki
အခန်း (၄၀) မျက်နှာချင်းဆိုင်တွေ့ဆုံခြင်း (၇)
ယဲ့ဖေးချန်းက ပရိသတ်၏ တောင်းဆိုချက်ကို ဖြည့်ဆည့်ပေးလိမ့်မည်ဟု မည်သူကမှ မထင်ထားပေ။ ရှင်းဝမ်ရွှမ်း၏မျက်နှာအမူအရာက အနည်းငယ် အံ့အားသင့်မိသွားသည်။ သူမရှေ့မှ သတင်းထောက်တစ်ယောက်က ထိုအဖြစ်အပျက်ကို မှတ်တမ်းတင်ထားလိုက်နိုင်သည်။
ထိုအချိန်၌ ချောင်မော့ယွီက ယဲ့ဖေးချန်းရှိရာသို့ ရောက်လာခဲ့သည်။ ယဲ့ဖေးချန်းက ဇာတ်ကောင်နေရာသို့ လျင်မြန်စွာ ကူးပြောင်းဝင်ရောက်သွားခဲ့သည်။ နှစ်စက္ကန့်အတွင်း၌ သူ၏ အေးစက်မှုအပြည့်ဖြစ်နေသည့် မျက်ဝန်းများက နွေးထွေးသည့်အဖြစ်သို့ ပြောင်းလဲသွားသည်။
သူမ အရှေ့မှ သည်လူက ယခုခေတ်ဝတ်စုံပြည့်ကို ဝတ်ထားသော်လည်း ချောင်မော့ယွီက သည်လူမှာ ရှန်းရှီဒရမ်မာ၏ လင်းချန်အဖြစ် ပြောင်းလဲသွားသည်ကို ခံစားလိုက်ရသည်။
သူတို့က ရှေ့သို့တိုးလိုက်ကြပြီး တစ်ယောက်နှင့်တစ်ယောက် နီးကပ်လိုက်ကြသည်။ ယဲ့ဖေးချန်း၏ မျက်ဝန်းများမှ နက်ရှိုင်းသည့် ခံစားချက်များက သူမကို လွှမ်းမိုးလာသည်။ ထိုနောက် သည်လူက သူမ နဖူးပေါ်မှ ဆံနွယ်များကို လက်ဖြင့်သပ်လိုက်ပြီး သူ့ခေါင်းကိုငုံ့လိုက်ကာ သူမ နဖူးဆီသို့ တိုးကပ်လာခဲ့သည်။ သူမအနေဖြင့် သူမ နဖူးထက်မှ သည်လူ၏ အသက်ရှူသံကိုပင် ခံစားလို့ရနေပြီဖြစ်သည်။ ထိုနောက် သည်လူက စိတ်အားထက်သန်မှုအပြည့်ဖြင့်
" ကိုယ် မင်းကိုချစ်တယ် ရှစ်မေ့ ကိုယ့်ကို လက်ထပ်နိုင်မလား"
ချောင်မော့ယွီကလည်း ရှက်သွေးဖြာနေဟန် ယဲ့ဖေးချန်းကို ခိုးကြည့်လိုက်သည်။ နေရောင်ခြည်အောက်၌ သူ၏မျက်ဝန်းများက နွေးထွေးမှုအပြည့် ဖြစ်နေသည်။
သူမ ပါးပေါ်မှ ထိုလူ့လက်ချောင်းထိပ်များမှ အပူချိန်ကိုပင် ခံစားလို့ရနေသည်။"လင်းချန်ကိုကို ညီမ..ညီမ သဘောတူပါတယ်"
ချောင်မော့ယွီက သူမအသံကို နှစ်လိုဖွယ်ဖြစ်အောင် ပြောလိုက်ပြီးနောက် စိတ်လှုပ်ရှားပြီး အနည်းငယ် တုန်ယင်နေကာ ရှက်သွေးဖြာနေသလို ပြုမူလိုက်သည်။
YOU ARE READING
စီအီးအိုရဲ့ ဗီလိန်သူငယ်ချင်း
Romanceချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...