စာစဉ်နာမည်- စီအီးအိုရဲ့ ဗီလိန်သူငယ်ချင်း
ဘာသာပြန်သူ Yuukiအပိုင်း ( ၁၅၄) ကိုယ့်ကိုမငြင်းပါနဲ့နော် (၃)
သူမသည် စကားကိုအဆုံးသတ်လိုက်၏။
“ဒါကြောင့် ကျွန်မ ရှင်နဲ့ တွဲမှာမဟုတ်တော့ဘူး”
ယဲ့ဖေးချန်းသည် သူမ ပြောလိုက်သည့် နောက်ဆုံးအချက်ကို ကြားလိုက်ပြီးနောက် သူ့မျက်လုံးထဲတွင် လူသတ်လိုစိတ်များ ပြည့်နက်သွားတော့သည်။ သို့သော် သူသည် ချောင်မော့ယွီစကားကို စိတ်ရှည်ရှည်နှင့် နားထောင်လိုက်ပြီးနောက် သူသည် တစ်ချက်ချင်းစီ ပြန်ချေပလိုက်လေသည်။
“ ပထမအချက် ညီမကလဲ ဖျော်ဖြေရေးလာကပဲလေ၊ ပြီးတော့ ဟုတ်တယ် ကိုယ်လဲ ဒီလောကကပဲ၊ ဒါပေမဲ့ ညီမက ဒီအချက်ကို စိတ်ထဲမကြိုက်ဘူးဆိုရင် ကိုယ် အလုပ်နားလိုက်လို့ရတယ်”
ချောင်မော့ယွီသည် ရှောခ့်ရသွားတော့သည်။
“ဘာဖြစ်လို့လဲ”
ယဲ့ဖေးချန်းသည် တည်ငြိမ်စွာပြန်ဖြေလိုက်၏။
“ အစတုန်းက ကိုယ် ဖျော်ဖြေရေးလောကကို ဝင်ခဲ့တာက ကိုယ့်ဆုံးသွားတဲ့အမေရဲ့ ဆန္ဒကို ဖြည့်ဆည်းပေးချင်လို့လေ၊ အမေ လိုချင်ခဲ့တဲ့ ဆုတွေကို ကိုယ်ယူပေးပြီးသွားပြီဆိုတော့ ကိုယ် အလုပ်နားလိုက်လဲ နောင်တရစရာမရှိပါဘူး”
“ဒုတိယတစ်ချက်၊ ကိုယ်တို့က အကြိုက်မတူကြဘူးလို့ ပြောတယ်နော်၊ ဒါပေမဲ့ ကိုယ် ညီမနဲ့ ရင်းနှီးလာအောင် ကြိုးစားနေတယ်လေ”
ယဲ့ဖေးချန်းသည် ခေါင်းမော့ကာ သူမကို စိုက်ကြည့်လိုက်ပြီး လေးနက်သည့်အသံဖြင့်
“ ဂိုဏ်းတူညီမလေး ဟုတ်တယ်မလား”
ချောင်မော့ယွီသည် ယဲ့ဖေးချန်း၏စကားကြောင့် နင်မလို ဖြစ်သွားတော့သည်။ သူမသည် ထိုယောကျ်ားမှာ စကားပြောအရာ လိမ္မာပါးနပ်သည်ကို သိရှိသွားပြီး သူ့ကို ငြင်းရန် အကြောင်းပြချက် ရှာမရဖြစ်သွားတော့သည်။
“ တတိယအချက်”
ယဲ့ဖေးချန်းသည် သည်နေရာအထိ စကားပြောလာရင်း ရုတ်တရက် ထရပ်လိုက်၏။ သူသည် ချောင်မော့ယွီ၏ ရှေ့သို့လျှောက်သွားလိုက်ပြီး သူမကို ပွေ့ဖက်လိုက်ကာ
YOU ARE READING
စီအီးအိုရဲ့ ဗီလိန်သူငယ်ချင်း
Romanceချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...