စာစဉ်နာမည်- စီအီးအိုရဲ့ ဗီလိန်သူငယ်ချင်း
ဘာသာပြန်သူ Yuukiအပိုင်း (၁၉၄) ပါပါးကိုတွေ့ပြီ (၃)
သည်နေ့သင်ခန်းစာတွင် သူတို့သည် ဖေဖေနှင့် မေမေ ဆိုသည့်စကားလုံးများကို သင်ခဲ့ရ၏။ လော့လော့သည် ထိုစာကြောင်းကို သေချာနားမလည်သော်လည်း သူသည် အလွန်တော်ရာ တွမ်၏မေးခွန်းကို ခန့်မှန်းလိုက်လေသည်။ သူသည် ခေါင်းညိတ်ပြီးနောက် ခေါင်းခါပြလိုက်ပြီး ချောင်မော့ယွီကို ညွှန်ပြကာ
“မာမား”
ထို့နောက် ယဲ့ဖေးချန်းကို ညွှန်ပြလိုက်လေသည်။
“ ဦးဦး”
တွမ်သည် ဦးဦး ဆိုသည့် စကားလုံးကို မသိပေ။ သူသည် သူတို့ဆီလျှောက်လာသည့် စုံတွဲတစ်တွဲကို ညွှန်ပြလိုက်ပြီး မြန်မြန် ပြောလိုက်လေသည်။
“ဒါက ငါ့ ပါပါးနဲ့ မာမားလေ”
သူတို့ဘေးတွင် အတန်းဖော်များသည် သူတို့၏ မိဘများထဲ ပြေးလွှားသွားနေကြပြီး ယဲ့ဖေးချန်းသည် လော့လော့ကို ကောက်ချီလိုက်လေသည်။
သူက မေးလိုက်၏။
“ လော့လော့ ဒီနေ့ ကျောင်းမှာပျော်ရဲ့လား၊ သူငယ်ချင်းတွေအများကြီး ရခဲ့ပြီလား”
လော့လော့သည် ခေါင်းညိတ်ပြလိုက်ပြီး မနက်ခင်းက ဝမ်းနည်းမှုများသည် တဖန် ပြန်ပေါ်လာသော်လည်း သူက ယောက်ျားတစ်ယောက်ဖြစ်သဖြင့် တခြားသူများကို မမြင်စေချင်ပေ။ ထို့ကြောင့် သူသည် ပြုံးပြလိုက်ပြီး
“ပျော်တယ်”
သူ့စိတ်ထဲတွင်တော့
ဒါပေမဲ့ သား မာမားကို လွမ်းတယ်။
ယဲ့ဖေးချန်းသည် ကားမောင်းနေပြီး ကားနောက်ခန်းတွင် လော့လော့သည် ကလေးစီးထိုင်ခုံထဲတွင် ထိုင်နေပြီး သူ့ဘေးတွင် ချောင်မော့ယွီက ထိုင်နေ၏။
လူကြီးနှစ်ယောက်သည် လော့လော့ကို မူကြိုကျောင်းက အကြောင်းများကို မေးလာကြသည်။ ကောင်ကလေးသည် တဖြည်းဖြည်း စိတ်လှုပ်ရှားပြီး သည်နေ့ သူတွေ့ခဲ့သည် သူငယ်ချင်းများအကြောင်းနှင့် သင်ခဲ့ရသည့် စာလုံးများကို ပြောလိုက်လိုက်သည်။ သူသည် နေ့လယ်က စားခဲ့သည် ဝက်နံရိုးပေါင်းမှာ အလွန်အရသာရှိကြောင်းလဲ ထည့်ပြောလိုက်သေးသည်။
YOU ARE READING
စီအီးအိုရဲ့ ဗီလိန်သူငယ်ချင်း
Romanceချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...