စာစဉ်နာမည်- စီအီးအိုရဲ့ ဗီလိန်သူငယ်ချင်း
ဘာသာပြန်သူ Yuuki
အပိုင် (၁၇၇) ကြယ်စုံတဲ့ည (၂)
ထိုအချိန်တွင် ဟွမ်ချူသည် ရွာသူကြီးအနားသို့ လျှောက်သွားလိုက်ပြီး ပြောလိုက်၏။
“ရွာသူကြီး ကျုပ် ခင်ဗျားနဲ့ သီးသန့်စကားပြောလိုက်ရမလား”
ရွာသူကြီးသည် ဤလူမှာ ထန်ဝတ်စုံ ( တရုတ်ရိုးရာအနွေးထည်) ကို ဝတ်ထားပြီး သူ့အသွင်အပြင်မှာလည်း အထိန်းအမှတ်ခန်းမတွင် ဝတ်ပြုတတ်ကြသည့် ဘိုးဘွားများနှင့် ဆင်တူနေသည်ကို သတိပြုလိုက်မိ၏။ ထို့ကြောင့် သူသည် အလျင်အမြန် ခေါင်းညိတ်ပြလိုက်ပြီးနောက် ပြောင်းခင်းမှထွက်လာကာ ဟွမ်ချူနောက် လိုက်သွားလိုက်လေသည်။
ကင်မရာမန်းသည် ချောင်မော့ယွီနောက်လိုက်ရင်း ရိုက်ကူးနေသဖြင့် ထိုအမျိုးသားနှစ်ယောက် ဆွေးနွေးနေကြသည်ကို မည်သူမှ မသိလိုက်ပေ။
ဟွမ်ချူက ပြောလိုက်၏။
“ ကျုပ် ဒီရွာကို ရောက်စက လေထုက အရမ်းလတ်ဆတ်တာကို ခံစားမိတယ်၊ ဒီရွာထဲမှာ ပါရမီထူးနဲ့ မွေးဖွားလာတဲ့သူတွေ ရှိလောက်တယ်”
ရွာသူကြီးသည် သက်ပြင်းချလိုက်၏။
“ ဟုတ်ပါတယ်ဗျာ၊ ကျွန်တော်တို့ရဲ့ ဘိုးဘွားတွေအများစုက တော်ဝင်စာမေးပွဲမှာ ထိပ်တန်းအဆင့် အောင်မြင်ခဲ့ကြသူတွေပါ၊ ဒါပေမဲ့ ကျွန်တော်တို့တွေမှာ မျိုးဆက် တစ်ခုပြီး တစ်ခု ကျဆင်းလာခဲ့တာ၊ ကျွန်တော်တို့တွေ ပျားမွေးဖို့ကြိုးစားတယ်၊ လက်ဖက်ပင်စိုက်ဖို့ ကြိုးစားတယ် ဒါပေမဲ့ ကျွန်တော်တို့တွေ ကိုယ့်ဟာကိုယ်တောင် အစားအစာလုံလုံလောက်လောက်နဲ့ နွေးထွေးတဲ့ အဝဝ်အစားတွေဝတ်ဖို့ မတတ်နိုင်ခဲ့ဘူး၊ ရွာသူကြီးတစ်ယောက်အနေနဲ့ အားလုံးကို စိတ်ဓာတ်ကျအောင်လုပ်မိနေသလို ခံစားရတယ်...”
“ ရွာသူကြီး အခုလို ဖြစ်ရတဲ့ အကြောင်းအရင်းကို သိလား”
ဟွမ်ချူက မေးလိုက်၏။
“ ခင်ဗျာ”
ရွာသူကြီးသည် ဟွမ်ချူ၏မျက်နှာပေါ်တွင် လျှို့ဝှက်နက်နဲသည့် အမူအရာကို နားမလည်နိုင်ဖြစ်သွားပြီး မနေနိုင်တော့ဘဲ မေးလိုက်၏။
YOU ARE READING
စီအီးအိုရဲ့ ဗီလိန်သူငယ်ချင်း
Romanceချောင်မော့ယွီ နိုးလာသည့်အချိန်၌ သူမက ဝတ္ထုကမ္ဘာဆီသို့ ရောက်သွားသည်ကို တွေ့လိုက်ရသည်။ ထိုနောက် သည်ဝတ္ထု၏ အမျိုးသားဇာတ်လိုက်ဖြစ်သည့် ကုမ္ပဏီ စီအီးအို၏ မနှစ်မြို့ခြင်းကိုခံရသည့် ဗီလိန်ကောင်မလေး၏ ကိုယ်ထဲသို့ဝင်ရောက်သွားခဲ့သည်။ စီအီးအို၏ ငယ်သူငယ်ချင်...
