အခန်း(၁၆) မိသားစုခွဲခြင်း
ရွှီဇွာချန်း နှင့် ရွှီယို့ချန်းတို့သည် လက်ရှိ သူတို့၏အခန်းများတွင် အနားယူနေကြ၏။ သူတို့သည် အစံကိုကြားလိုက်ကြသောအခါ သူတို့၏ အရှေ့နှင့်အနောက်တောင်ပံများ အသီးသီးမှ ထွက်လာကြလေ၏။ ရွှီကျောက်ကိုမြင်လိုက်ပြီး အနည်းငယ် ထိတ်လန့်သွားကြလေ၏။
" ရွှီကျောက် မင်းဘာလုပ်နေတာလဲ? " ရွှီဇွာချန်း ကမေးလေ၏။
ရွှီကျောက်သည် ရွှီဇွာချန်းဘက်လှည့်ပြီး မေစလိုက်၏။ " အစ်ကိုကြီး၊ မင်း ဖေဖေ့ရဲ့ကိစ္စကို ကူညီပေးမှာလား မကူညီပေးဘူးလား? "
“ ဘယ်လိုကူညီရမလဲ? ” ရွှီဇွာချန်းက ပြန်ပြောလေ၏။
" လုပ်အား နဲ့ ပိုက်ဆံ " ရွှီကျောက် ပြောလိုက်၏။
" ငါက ဘာလို့လုပ်သင့်တာလဲ? " ရွှီဇွာချန်းက ဆန္ဒမရှိနေချေ။
" ဘာကြောင့်လဲဆိုတော့ သူက မင်းရဲ့အဖေလေ "
“သူက မင်းရဲ့အဖေလည်း ဟုတ်တယ်လေ” ရွှီဇွာချန်းက ပြန်ပြောသည်။
ရွှီကျောက်သည် ရွှီဇွာချန်းကိုကြည့်ပြီး ပြောလိုက်၏။ " ဒါကြောင့် ငါသူ့ကိုကူညီရမှာပဲ "
၎င်းကိုကြားပြီး ရွှီဇွာချန်း နှင့် ရွှီယို့ချန်းတို့ ထိတ်လန့်သွားကြလေသည်။
" မင်းတို့ ဘာပြောကြမလဲ? " ရွှီကျောက်က ဆက်မေးလေ၏။
" ဘာအကြောင်းပြောရမလဲ? " ရွှီဇွာချန်း က မေးလာခဲ့လေ၏။
“ မင်း အဖေနဲ့အမေကို ထောက်ပံ့မှာလား မထောက်ပံ့ဘူးလား? ”
ရွှီဇွာချန်း နှင့် ရွှီယို့ချန်းတို့သည် တစ်ယောက်ကိုတစ်ယောက် ကြည့်လိုက်ပြီးနောက် အတူတူပြောလာကြလေ၏။ “ ဒါ မင်းအဖေနဲ့အမေပဲကွ! ”
သူ့ညီအကိုနှစ်ယောက် ဒီလိုပြုမူမယ်ဆိုတာ သူသိခဲ့၏။
" မင်းတို့ သူတို့ကို မလိုချင်တော့တာ သေချာပြီလား? " ရွှီကျောက် မေးလိုက်သည်။
" သူတို့ကို လိုချင်တဲ့သူ သူတို့ကိုရနိုင်တယ်။ ဘာပဲဖြစ်ဖြစ် သူတို့က မင်းကို အချစ်ဆုံးပဲလေ ” ရွှီဇွာချန်းသည် သူ့တာဝန်ကို ဘေးဖယ်ထားလိုက်၏။
YOU ARE READING
ရှစ်ဆယ်ခုနှစ်များတွင် ပြန်လည်မွေးဖွားခြင်း 『မြန်မာဘာသာပြန်』
RomanceReborn In The '80s 《သားပေါက်လေးများကိုပြုစုပျိုးထောင်ရန် ရှစ်ဆယ်ခုနှစ်များတွင် ပြန်လည်မွေးဖွားခြင်း 》 Author(s): Crystal Jade Meat ∣水晶翡翠肉 Status in COO : Completed (138 chapters + 10 extras) English translation: Lazy Sakura Translations Associated...