ရှစ်ဆယ်ခုနှစ်များတွင် ပြန်လည်မွေးဖွားခြင်း 『မြန်မာဘာသာပြန်』

အခန်း(၅၄) ထောက်ခံအားပေးမှုမရှိ

အခန်း(၅၄) ထောက်ခံအားပေးမှုမရှိ

အသီးအရွက်တွေ စိုက်ဖို့...

ဤလောက်ကြီးသည့် မြေအပိုင်းကြီးဖြစ်ပြီး ဤအချိန်ကို ဂျုံစိုက်ဖို့ အခွင့်ကောင်းမယူဘဲ ထိုအစား အသီးအရွက်များ စိုက်ချင်နေခဲ့သည်။ ဤသို့သောအတွေးသည် ပုံမှန်မဟုတ်သလို မမှန်ကန်ချေ။ ရွာသားများအားလုံးသည် ရွှီကျောက်ကို ဆွဲဆောင်ဖြောင့်ဖျဖို့ ကြိုးစားခဲ့ကြကာ ဂျုံအလျင်အမြန်စိုက်ပျိုးပါရန် သို့မဟုတ်ပါက မျိုးစေ့ကြဲရန်အချိန်ကို လွတ်သွားပါက နောက်နှစ်တွင် ဆန်စပါးခွန်မဆောင်နိုင်တော့ဘဲ စားသောက်ရန်ပင် ခက်ခဲပေလိမ့်မည်ဟု ပြောနေခဲ့ကြသည်။

ရွှီကျောက်က ပြုံးပြီး အသီးအရွက်စိုက်ပျိုးခြင်းဖြင့် ငွေရှာနိုင်သည်ဟု ဆိုလိုက်သည်။

သို့သော်လည်း ရွာသားများက သူ့ကို မယုံကြဘဲ ရွှီကျောက်ကို စိတ်ရှည်စွာ ဆွဲဆောင်ရန် ကြိုးစားနေကြဆဲဖြစ်သည်။

ရွှီကျောက်သည် ရွာသားများက ရည်ရွယ်ချက်ကောင်းများရှိကြမှန်း သိသောကြောင့် သူတို့ မထောက်ခံကြသည့်အပေါ် စိတ်ထဲမထားခဲ့ချေ။ သူသည် လိမ္မာပါးနပ်စွာ ပြုံးပြီး ဟင်းသီးဟင်းရွက်စိုက်ပျိုးဖို့ ဆုံးဖြတ်ထားပြီးသားဖြစ်ကြောင်း ထုတ်ဖော်ပြောဆိုလိုက်‌လေသည်။

ထို့ကြောင့်နှင့် ရွှီကျောက်သည် ဖန်လုံအိမ်တည်ဆောက်ခြင်းကို စတင်ခဲ့သည်။ အသေးစိတ်ပုံစံကို ကြိုတင်ရေးဆွဲထားခဲ့ပြီး အလျားအနံနှင့် အမြင့်ကို ဆုံးဖြတ်ထားပြီး ဖြစ်လေသည်။ သံမဏိစက်ရုံမှ သံမဏိပိုက်များကို စိတ်ကြိုက်ပြုလုပ်ထားသောကြောင့် ဖန်လုံအိမ်တည်ဆောက်ရန်မှာ မခက်ခဲလှချေ။

သို့သော်လည်း သကျွမ်း၏အဖေနှင့် အခြားသူများသည် ယခင်က အိမ်များကိုသာ ဆောက်လုပ်ခဲ့ကြပြီး ဖန်လုံအိမ်တစ်လုံးဆောက်ခြင်း အတွေ့အကြုံမရှိကြချေ။ ထို့ကြောင့် ဖန်လုံအိမ်အပြီးထိဆောက်ရန် တစ်ပါတ်ကျော် ဆောက်လုပ်ခဲ့ကြကာ အိမ်သစ်နှင့် လုံး၀ကွက်တိဖြစ်ခဲ့ကြသည်။ ဆင်နွှဲရန်အတွက် ရွှီကျောက်သည် အထူးသဖြင့် မီးရှူးမီးပန်းများ တစ်ထုပ်လုံး၀ယ်ခဲ့ပြီး စက္ကန့် 30 လုံး ပေါက်ကွဲစေခဲ့ကာ အုတ်ကြွပ်မိုး အိမ်သစ်ကို ပျော်ရွှင်စွာ သန့်စင်ကာ အခန်းတစ်ခုစီမှ အညစ်အကြေးများကို ဖယ်ရှားရှင်းလင်းခဲ့ကြသည်။ အခန်းတိုင်းသည် သန့်ရှင်းပြီး ကျယ်ဝန်းလေသည်။