အခန်း(၈၉) သဘောကျနှစ်သက်
စွေ့တင်းချန်သည် လန့်သွားလေပြီး သူ့တစ်ကိုယ်လုံး အေးခဲသွားလေတော့၏။
ရွှီကျောက် အိပ်ချင်မူးတူးနှင့် စွေ့တင်းချန်အား ကြည့်နေလေ၏။ သူ စွေ့တင်းချန်၏ လက်ကို စိုက်ကြည့်ရင်း သူ့မျက်နှာနားတွင် ခေတ္တတန့်သွားလေပြီး သံသယဖြစ်စွာနှင့် မခေါ်လိုက်ခင် တစ်ခဏလောက် ကြက်သေ သေနေလေ၏။
"ရှောင်ရှု"
စွေ့တင်းချန်သည် အလိုအလျောက် ပြန်ထူးလာလေ၏။
ရွှီကျောက် နားမလည်စွာနှင့် မေးလိုက်လေ၏။ " ဘာလုပ်နေတာလဲ "
စွေ့တင်းချန်သည် လျှာကို ချည်နှောင်ထားခံရသလို ဖြစ်နေလေ၏။ " ကိုယ်-ကိုယ်-ကိုယ် မင်းတို့ကို စောင်ခြုံပေးနေတာ။ ရွှီဖန်ရဲ့ခြေဖဝါးတွေ ထွက်နေလို့ "
ဆိုတော့ အဲ့လိုပေါ့။
ရွှီကျောက်သည် ချက်ချင်းယုံသွားပြီး အသံတိုးတိုးနှင့် ဆိုလေ၏။ "အိုး၊ သူက အိပ်နေရင် တော်တော့်ကို လှည့်ပတ်လှုပ်နေတတ်တယ်၊ သူ့ခြေထောက်တွေကို လွယ်လွယ်နဲ့ ပေါ်နေတတ်ပြီး သူ ထူးထူးခြားခြား အနေအထားတွေ ပြောင်းသွားလိမ့်မယ်"
" အင်း " စွေ့တင်းချန် တိုးတိုးဖျော့ဖျော့ ပြန်ဖြေလေ၏။
" ကျေးဇူးတင်ပါတယ်၊ ရှောင်ရှု " ရွှီကျောက်၏ မျက်လုံးများသည် ခပ်ကျယ်ကျယ် ပြုံးပြလိုက်လေ၏။
" ရပါတယ် "
စွေ့တင်းချန် တိတ်တဆိတ် သက်ပြင်းချလိုက်လေ၏။ သူသည် စောင်ပေါ်တွင် လက်ကိုတင်လိုက်ပြီး ရွှီဖန်ကို ပိုဖုံးအုပ်ပေးလိုက်ကာ ရွှီကျောက်အား တိုးတိုးလေးပြောလိုက်၏။ "စောနေသေးတယ်၊ မင်းနည်းနည်းပိုအိပ်လိုက်အုံး "
ရွှီကျောက်သည် သူ့လက်ကို ဆန့်ထုတ်လိုက်ပြီး ဆိုလေ၏။ " ကျွန်တော် မအိပ်တော့ပါဘူး။ ကျွန်တော်တို့ မကြာခင် အလုပ်စလုပ်ရမယ်လေ"
" ကောင်းပြီ၊ ဒါဆိုလည်း ထကြတာပေါ့ "
စွေ့တင်းချန်သည် အိပ်ယာမှထကာ သူ့ခရီးဆောင်အိတ်ကို ထုပ်ပိုးရန် သွားလေ၏။
![](https://img.wattpad.com/cover/310392297-288-k148642.jpg)
YOU ARE READING
ရှစ်ဆယ်ခုနှစ်များတွင် ပြန်လည်မွေးဖွားခြင်း 『မြန်မာဘာသာပြန်』
RomanceReborn In The '80s 《သားပေါက်လေးများကိုပြုစုပျိုးထောင်ရန် ရှစ်ဆယ်ခုနှစ်များတွင် ပြန်လည်မွေးဖွားခြင်း 》 Author(s): Crystal Jade Meat ∣水晶翡翠肉 Status in COO : Completed (138 chapters + 10 extras) English translation: Lazy Sakura Translations Associated...