အခန်း(၉၆) ဖရဲသီး
သူ့အသံသည် နားထောင်ရ အလွန်ကောင်းလေ၏။
ရွှီကျောက်သည် စွေ့တင်းချန်ကို မော့ကြည့်လိုက်၏။ ညအမှောင်ထဲတွင် စွေ့တင်းချန်၏ တောက်ပသော အနက်ရောင်မျက်လုံးများသည် ရယ်မောခြင်းနှင့် ပြည့်နှက်နေသည်ကို တွေ့လိုက်ရလေသည်။
"မဟုတ်ဘူးလား" စွေ့တင်းချန်က အပြုံးလေးနှင့် မေးလိုက်သည်။
ရွှီကျောက်သည် မကျေမနပ် ပြန်ဖြေလေ၏။ " ကျွန်တော် စိတ်ပူနေတာလို့ ထင်တာပဲ"
စွေ့တင်းချန်က ရယ်မောလေ၏။
ရွှီကျောက်သည် ချက်ချင်းပင် ရှုံးနိမ့်သွားခဲ့လေ၏။
စွေ့တင်းချန်သည် ရွှီကျောက်၏ ချစ်စဖွယ်အမူအရာကိုကြည့်ရင်း သူ့နှလုံးသား ယားယံလာလေ၏။ သူပြုံးလျက် မေးလိုက်၏။ " ကိုယ်ဖုန်းခေါ်တုန်းက မင်းဘာလုပ်နေတာလဲ"
ရွှီကျောက် ပြန်ဖြေလိုက်၏။" ကျွန်-ကျွန်တော် အစီအစဉ်တစ်ခုဆွဲနေတာ "
" သစ်သီး၀လံတွေ စိုက်ဖို့အတွက် အစီအစဉ်လား "
" အင်း" ရွှီကျောက် ခေါင်းညိတ်လိုက်၏။
" ဖန်လုံအိမ် သစ်သီး၀လံတွေ အတွက်လား "
"လုံးဝ အကုန်လုံးကြီးတော့ မဟုတ်ပါဘူး"
"အင်၊ ဘာကိုဆိုလိုတာလဲ" စွေ့တင်းချန်က မေးလိုက်သည်။
"ကျွန်တော်က ရာသီအလိုက် သစ်သီး၀လံတွေကို ပမာဏအတော်ကြီးကြီးနဲ့စိုက်ဖို့ စီစဉ်နေတာ၊ ပြီးတော့ ဖန်လုံအိမ် သစ်သီး၀လံတွေနဲ့ ဟင်းသီးဟင်းရွက်တွေကို အပိုင်းနည်းနည်း စိုက်ဖို့ စီစဉ်နေတာ" သူ့ကိုယ်ပိုင်ကိစ္စများကို ပြောဆိုရင်း ရွှီကျောက် ရုတ်တရက် စကားပိုများလာလေကာ ဆိုလေ၏။ " သစ်သီး၀လံတွေက ဟင်းသီးဟင်းရွက်တွေနဲ့ မတူဘူး။ မြေဆီလွှာ၊ မြေဩဇာ၊ လုပ်အား အဲ့ဒါတွေက အတော်လေး ပိုရှုပ်ထွေးတယ်။ နန်၀မ်းရွာမှာ အရင်တုန်းက ဘယ်သူကမှ သစ်သီး၀လံတွေ အကြီးစားပမာဏနဲ့ မစိုက်ဖူးကြဘူးလေ။ ပြီးတော့ ကျွန်တော်က ပေကျင်းမြို့တော်မှာ တစ်ပတ်လောက်ပဲ လေ့လာခဲ့ရတာမို့ နားမလည်သေးတဲ့ ကဏ္ဍတွေအများကြီး ရှိနေသေးတယ်"
YOU ARE READING
ရှစ်ဆယ်ခုနှစ်များတွင် ပြန်လည်မွေးဖွားခြင်း 『မြန်မာဘာသာပြန်』
RomanceReborn In The '80s 《သားပေါက်လေးများကိုပြုစုပျိုးထောင်ရန် ရှစ်ဆယ်ခုနှစ်များတွင် ပြန်လည်မွေးဖွားခြင်း 》 Author(s): Crystal Jade Meat ∣水晶翡翠肉 Status in COO : Completed (138 chapters + 10 extras) English translation: Lazy Sakura Translations Associated...