အခန်း(၁၃၃) ဘယ်မှာအိပ်ရမှာလဲ
စွေ့တင်းချန်သည် မလှုပ်မယှက်ဘဲ မျက်လုံးများနီရဲလာကာ သူ့အမြင်အာရုံများ မှုန်ဝါးသွားသည့်တိုင်အောင် ရွှီကျောက်ကို တည့်တည့်စိုက်ကြည့်နေလေ၏။ သူသည် ရွှီကျောက်ကို စိုက်ကြည့်နေဆဲဖြစ်လေကာ မျက်စိတမှိတ်အတွင်း နောက်တစ်ကြိမ် ပြန်အိပ်သွားမည်ကို စိုးရိမ်နေခဲ့လေ၏။
" ရှောင်ရှု " ရွှီကျောက် ထပ်ခေါ်လိုက်လေ၏။
ဤခေါ်သံကြောင့် စွေ့တင်းချန်သည် နိုးထလာလေ၏။ စွေ့တင်းချန်သည် ဖြည်းညှင်းစွာထ၍ ရွှီကျောက်၏ကုတင်ဆီသို့ တစ်လှမ်းချင်းလှမ်းကာ ရွှီကျောက်၏ဘေးသို့လျှောက်သွားပြီး ထထိုင်နေသော ရွှီကျောက်ကို ရုတ်တရက်ဖက်လိုက်လေကာ အက်ရှသောအသံနှင့် ခေါ်လိုက်၏။ " ရွှီကျောက် "
ရွှီကျောက်သည် အားနည်းစွာ ပြန်ထူးလာလေ၏။ "ရှောင်ရှု၊ ကျွန်တော်ပါ "
" ရွှီကျောက် "
" ရှောင်ရှု "
စွေ့တင်းချန်သည် သူ့ကိုယ်သူ စကားပြောနေပုံရလေ၏။ " ရွှီကျောက်၊ မင်းနောက်ဆုံးတော့ နိုးလာပြီ "
ရွှီကျောက်သည် ၎င်းကို ကြားပြီး ပြန်ဖြေလိုက်၏။ " ကောင်းပြီ၊ ကျွန်တော် နိုးလာပါပြီ "
ရွှီကျောက်ကို တင်းတင်းကြပ်ကြပ် ပွေ့ဖက်ထားပြီး ရွှီကျောက်၏ ခန္ဓာကိုယ်ပေါ်ရှိ အပူချိန်ကို ခံစားရကာ ရွှီကျောက်၏တုံ့ပြန်သံကို ကြားလိုက်ပြီး စွေ့တင်းချန်သည် သူ အိပ်မက်မက်နေခြင်းမဟုတ်ကြောင်း သတိပြုမိလိုက်၏။ အိပ်မက်မက်နေတာမဟုတ်ဘူးပဲ။ ရွှီကျောက်ကို ပွေ့ဖက်ထားသော လက်နှစ်ဖက်ကို မထိန်းနိုင်တော့လေကာ တင်းကျပ်လာလေ၏။ ဤနည်းဖြင့်သာ ရွှီကျောက်သည် အစစ်အမှန်ဖြစ်သည်ကို သူသေချာသိနိုင်မည် ဖြစ်သော်လည်း သူ့ခွန်အားကို ထိန်းချုပ်ဖို့ မေ့သွားလေ၏။
![](https://img.wattpad.com/cover/310392297-288-k148642.jpg)
YOU ARE READING
ရှစ်ဆယ်ခုနှစ်များတွင် ပြန်လည်မွေးဖွားခြင်း 『မြန်မာဘာသာပြန်』
RomanceReborn In The '80s 《သားပေါက်လေးများကိုပြုစုပျိုးထောင်ရန် ရှစ်ဆယ်ခုနှစ်များတွင် ပြန်လည်မွေးဖွားခြင်း 》 Author(s): Crystal Jade Meat ∣水晶翡翠肉 Status in COO : Completed (138 chapters + 10 extras) English translation: Lazy Sakura Translations Associated...