အမှိုက်ကောင်လေး၏ပျော်ရွှင်ဖွယ်ဘဝ/ အမွိုက္ေကာင္ေလး၏ေပ်ာ္႐ႊင္ဖြယ္ဘဝ

မုဆိုးကြီးပြန်လာပြီ

အပိုင်း (၅၂) မုဆိုးကြီးပြန်လာပြီ ဇနီးလေးကတော့ပျော်နေတယ်တဲ့

ရှောင်ဟန်က တံခါးခေါက်သံကြားတော့ အိမ်ထဲတွင်မီးခွက်ထွန်းပြီး အဝတ်ချုပ်နေတာဖြစ်သည်။

သူက ဒီရက်တွေမှာ ကောင်းကောင်းအိပ်ပျော်လေ့မရှိဘူး။ ဒါကြောင့် ညနက်တဲ့ထိအဝတ်ချုပ်နေလေ့ရှိပြီး ဒီနေ့ညတွင် သူ့စိတ်အခြေနေက ပိုဆိုးနေတာလည်းဖြစ်သည်။ သူက ဒီနေ့ညမှာ လုံးလုံးကိုအိပ်ချင်စိတ်ရှိမနေတာကြောင့် သန်းခေါင်ကျော်တဲ့ထိ အဝတ်ချုပ်နေခဲ့ပြီး အချိန်မတော်ချိန်တွင် တံခါးခေါက်သံသဲ့သဲ့ကိုကြားလိုက်ရသောအခါ သူကအဝတ်ခြင်းကိုတင်းတင်းဆုပ်ကိုင်သွားမိခဲ့၏။

ဒီနေ့အိမ်မှာ ရှောင်ဟန်နဲ့ အသေးလေးတွေပဲရှိနေပြီး ရှေ့နှစ်ရက်ကလို ပိုင်အမေနဲ့ပိုင်မိန်က သူတို့နဲ့အတူရှိမနေခဲ့ပေ။ အကြောင်းမှာ မော့ဟွာနှင့်ပိုင်မိန်က နှစ်ရက်ဆက်တိုက် ရှောင်ဟန်တို့နှင့်နေပြီးနောက်တွင် ကျိုးရှီနှင့်စုရှီသည် ၎င်းတို့၏ကိုယ်ဝန်တွေကိုအကြောင်းပြကာ တစ်ခုခုဆိုပါက အိမ်တွင် ကူညီပေးမည့်မိန်းမသားမရှိဘူးဟုဆိုကာ ငိုယိုကျလျက်လာခေါ်သဖြင့် ပိုင်အမေက မတတ်နိုင်ဘဲလိုက်သွားပေးခဲ့ရရှာ၏။ အစမှာတော့ ပိုင်အမေက ပြန်လိုက်သွားဖို့ တွေဝေနေပြီး သူမက သူမရဲ့မြေးတွေနဲ့ ဒုတိယချွေးမကို တစ်ယောက်ထဲထားခဲ့ဖို့ စိတ်မချဖြစ်နေသော်လည်း ရှောင်ဟန်က သူတို့တွေအဆင်ပြေကြောင်း အထပ်ထပ်ပြောခဲ့၍သာ ပြန်လိုက်သွားခဲ့ရတာလည်းဖြစ်သည်။

တကယ်တော့ ပုံမှန်ဆိုရင် သူတို့ချည်းပဲလည်း နေရဲပါတယ်။ ဒါပေမယ့် အခု သူတို့အိမ်မှာက ပိုင်လီစုဝယ်ထားတဲ့ပစ္စည်းတွေကပုံနေပြီး ပိုင်လီအိမ်မှာမရှိတာကိုသိလို့ အခွင့်ကောင်းယူကာ သူခိုးကပ်မှာကို ကြောက်နေရတာဖြစ်၏။ အရင်ကလိုဆိုရင်တာ့ ပိုင်အိမ်နဲ့ ရှောင်ဟန်တို့က သူတို့ရွာက အေးချမ်းပြီး ရိုးသားတဲ့သူတွေပဲပြည့်နေလို့ စိတ်အေးလက်အေးနေနေမှာပေမယ့် ရှောင်မိသားစုကိစ္စနဲ့ ဝမ်မိသားစုရဲ့ကိစ္စအပြီးမှာတော့ ပိုင်လီတွင် ရွာထဲ၌အဆင်မပြေသူတချို့ရှိလာခဲ့ပြီး သူတို့အနေနဲ့ သတိထားတာကသာ အကောင်းဆုံးဖြစ်မယ်ဟုတွေးခဲ့ကျသည်။