အမှိုက်ကောင်လေး၏ပျော်ရွှင်ဖွယ်ဘဝ/ အမွိုက္ေကာင္ေလး၏ေပ်ာ္႐ႊင္ဖြယ္ဘဝ

(98)

အပိုင်း (၉၈) ချောင်မိသားစု၏ အလည်ပတ်ရောက်ရှိလာမှု

ပိုင်လီသည် စိတ်ကူးယဥ်ဆန်ဆန် လှပနေသည့်စပျစ်သီးလေးများကို ကြည့်လိုက်ပြီး ထိုစပျစ်သီးခိုင်လေးများက စင်များ၏အောက်တွင် အစီအရီတွဲလောင်းကျနေခဲ့ပေသည်။

ဒီအသီးတွေက ပိုင်လီ အရင်ကစားဖူးသမျှ စပျစ်သီးတွေထက် ပိုကြွပ်ဆတ်ပါတယ်။ ဒါကြောင့်လည်း သူက ကျန်းချင်ကို ဒီအသီးတွေက မြန်မြန်နှင့်အမှည့်လွန်သွားမည် မဟုတ်ကြောင်း ပြောခဲ့ခြင်းသာပင်။

သူ ဒီစပျစ်နွယ်ပင်တွေကို တွေ့ခါစတုန်းဆိုရင် စားလို့ရတဲ့ မှည့်နေတဲ့အသီးက တစ်လုံးတစ်လေသာကျန်တော့ပြီး အများစုမှာ စိမ်းတောက်နေသည့် အသီးတွေသာဖြစ်ခဲ့၏။ ပိုင်လီက ဒီလိုမျိုးစိတ်ကို သူ့အရင်ဘဝမှာ မတွေ့ဖူးတဲ့အတွက် အသီးသီးချိန်က ဘယ်လိုလည်ပတ်နေသလဲဆိုတာကို မသိခဲ့ပါဘူး။

သူက အဲဒီအစိမ်းသီးတွေကိုရော မထိခိုက်အောင်သယ်လာခဲ့၍ စင်ထိုးပေးထားခဲ့ကာ ယခုမှာထိုအသီးများက မှည့်လာခဲ့ခြင်းသာဖြစ်သည်။

ကျန်းချင်ကတော့ ပိုင်လီပြောတာကိုကြားပေမယ့် သူက အနည်းငယ်စိုးရိမ်နေတုန်းပါပဲ။ သူက ဒီအသီးတွေ စတင်အရောင်ပြောင်းလာထဲက ခူးဆွတ်ချိန်ကျော်သွားမှာကို စိုးရိမ်နေခဲ့တာဖြစ်ပြီး ယနေ့ကဲသို့ အသီးများက ကွဲထွက်မတတ်တင်းပြောင်နေပြီး အရောင်က အတောက်ပဆုံးသို့ ရောက်လာသောအခါတွင် သူ့နှလုံးသားက အပြင်သို့ခုန်ထွက်တော့မလို ဖြစ်နေခဲ့ရသည်။

ဘာကြောင့်လဲဆိုတော့ သူက လတ်တလောတွင် သစ်သီးခြံရဲ့ တာဝန်ခံဖြစ်နေပြီး ပိုင်လီက သူ့ကိုဒီနေရာပေးတုန်းမှာ သစ်သီးခြံ၏တာဝန်ခံသည် သစ်သီးပင်များ၏အကြောင်းကို သိအောင်လေ့လာသင့်သည်ဟု ပြောခဲ့၍ပင်။ ဒါကြောင့်သူက ဒီစပျစ်သီးတွေရဲ့နေ့စဥ်နဲ့အမျှ ပြောင်းလဲမှုကို စောင့်ကြည့်နေခဲ့ပြီး အပြင်ဘက်မှာလည်း စပျစ်သီးတွေရဲ့သတင်းကို လက်လှမ်းမှီသလောက် စုံစမ်းနေခဲ့ကာ ရလဒ်မှာတော့ စပျစ်သီးများသည် တော်ဝင်မိသားသာဝယ်စားနိုင်သည့် အဖိုးတန်ဆုံးသော အသီးများဖြစ်ကြောင်း သိခဲ့ရ၍ ခြံထဲက စပျစ်ပင်များပေါ်ထားသော သူ၏သဘောထားက ပို၍လေးနက်လာခဲ့လေသည်။