အမှိုက်ကောင်လေး၏ပျော်ရွှင်ဖွယ်ဘဝ/ အမွိုက္ေကာင္ေလး၏ေပ်ာ္႐ႊင္ဖြယ္ဘဝ

အပိုင်း (၈၃)

အပိုင်း (၈၃) မုဆိုးကြီးအိမ်က သီးတော်သီးလေးများ

ရှောင်ဟန်သည် ဘာမှကို ပြန်ပြောရန် အချိန်မရခဲ့ပဲ ပိုင်လီက တရပ်စပ်ပြောသွားပြီးနောက် သွားအိပ်သည်ကိုသာ ကြည်နေခဲ့ရသည်။

သူ့မြင်ရသလောက်တော့ ဒီလူက နောက်ပိုင်း အရမ်းအိပ်ပျော်လွယ်လာပြီး သူ့(ပိုင်လီ)ကိုကြည့်ရတာ ဘာစိတ်ရှုပ်စရာမှ မရှိတဲ့လူလိုပါပဲ။ ခေါင်းချပြီး သိပ်မကြာခင်မှာပဲ တန်းအိပ်ပျော်သွားတတ်တယ်လေ။

ရှောင်ဟန်က လျှင်မြန်စွာအိပ်ပျော်သွားသည့် သူ့ခင်ပွန်းကိုကြည့်နေမိကာ သူ့တွင် ပြောစရာစကားအများကြီးရှိနေသော်လည်း စကားလုံးရှာမရသလို ခံစားနေခဲ့ရသည်။

ပိုင်လီက လက်ဝတ်ရတနာသေတ္တာနဲ့ ပန်းထိုးဖိနပ်ထုတ်ကို သူ့ဆီပစ်ပေးခဲ့ပြီး ပိုင်အမေနှင့် ပိုင်မိန်အားသွားပေးဖို့ရာကိုလည်း သူ့ကိုစေခိုင်းခဲ့သဖြင့် သူက တစ်ခုခုမှားနေသလို ခံစားခဲ့ရသော်လည်း ဘာလဲဆိုတာကို ကွဲပြားခြင်းတော့မရှိပေ။

နောက်တော့ ရှောင်ဟန်လည်း ရှုပ်ထွေးမှုများနဲ့အတူ အိပ်ရာဝင်ဖို့လုပ်ခဲ့ပေမယ့် အိပ်မပျော်နိုင်ဖြစ်နေကာ သိပ်မကြာခင်ကမှ ဆိုးသွမ်းမိုက်မဲကာ သူတို့အပေါ်ရက်စက်နေသေးသော သူ၏ခင်ပွန်းသည် ဤသို့ မယုံနိုင်လောက်အောင် ပြောင်းလဲသွားသည်ကို ထပ်စဥ်းစားနေမိခဲ့သည်။

ဒါက တော်တော်လေးကို မယုံကြည်နိုင်စရာပါပဲ။

သူတို့အတွက် မကောင်းတာတော့ မဟုတ်ပေမယ့်လည်း သေချာတွေးကြည့်ရင် အံသြစရာကောင်းနေတုန်းဖြစ်ပြီး ဒီလူက တစ်ယောက်ထဲဖြစ်နေပါလျက်နဲ့ မတူညီတဲ့ တခြားလူတစ်ယောက်လို ရုတ်တရက်ကြီး ပြောင်းလဲသွားခဲ့တယ်လေ။

တကယ်တော့ ဒီလိုမျိုးတွေးမိနေတာက ရှောင်ဟန်တစ်ယောက်ထဲမဟုတ်ဘဲ ဒီည၌ ပိုင်မိသားစုဝင်များကလည်း အတွေးတွေကြောင့် အိပ်မပျော်နိုင် ဖြစ်နေခဲ့ကျရပြီး ဒီရက်အနည်းငယ်အတွင်းပိုင်းမှာ ပိုင်မိသားစုက မယုံနိုင်စရာကောင်းစွာနှင့် ပျော်ရွှင်စရာကိစ္စတွေရှိခဲ့သလို ပြဿနာတွေကလည်း ဘယ်လိုဘယ်ပုံမှန်းမသိ ရောက်ရောက်လာတတ်ကာ အဲတာတွေက ဆက်တိုက်ဆိုသလိုပင် ဖြစ်နေခဲ့သည်။ အားလုံးက ပိုင်လီထံကနေ အစပြုလာပုံရပြီး ပျော်စရာတွေပဲဖြစ်ဖြစ်၊ ပြဿနာတွေပဲဖြစ်ဖြစ်က ပိုင်လီနဲ့ ပတ်သက်နေခဲ့တာတွေချည်းပါပဲ။