សំណព្វចិត្តប៉ាតូច{រដូវកាលទី២}

ភាគ:៩០

ទម្រាំតែលួងលោមចិត្តព្រះនាងតូចបាន មិនមែនជារឿងងាយទេសម្រាប់ម្ចាស់តូច ពេលនេះម្ចាស់តូច បាននាំភរិយាមកកាន់
ស្កាយបារ មួយកន្លែង កម្ពស់៨០ជាន់ ពេលមកដល់ក៏ខកការណាត់
បាត់ទៅហើយ តែមិនថ្វីទេ អ្នកដែលបានណាត់ជួប ក៏នៅតែរងចាំម្ចាស់តូចដដែល ក៏ប៉ុន្តែមានរឿងម្យ៉ាង ៖
" ហេតុអីមិនចង់ចូលទៅខាងក្នុង? " ឡើងមកដល់ខាងលើហ្វីយ៉ារលាស់ដៃចេញពីប៉ា នាងដើរចេញមកកន្លែង មានសាឡុងអង្គុយនៅខាងក្រៅ នាងងរង៉ក់ មិនព្រមចូលទៅខាងក្នុងឡើយ ធ្វើមុខជូរផ្អូមធុញថប់ និងបរិយាកាស ភ្លើងពណ៌នៅទីនេះ។
" មិនចង់ចូលទៅទេ កូនមិនចូលចិត្តញ៉ាំវ៉ាញ " នាងដឹងថាពេលចូលទៅប៉ា ប្រាកដជាបង្ខំឱ្យនាង ញ៉ាំវ៉ាញ ឬមួយក៏រស់រាយរាក់ទាក់ដាក់គូរជំនួញគាត់អីបែបនេះ នាងមិនចូលចិត្តជួបមនុស្សប្លែកមុខ ជាពិសេសពេលវេលាលោកប៉ា ណាត់ជួប ជាមួយដៃគូររបស់គាត់។
" ចុះបងមានបានបង្ខំឯណា គ្រាន់តែអង្គុយក្បែរប្តី " មិនទាន់
បាននិយាយថាត្រូវញ៉ាំជាតិអាល់កុលផង គ្រាន់តែបបួលទៅអង្គុយក្នុងឋានៈជាជំទាវតូច ក៏មិនព្រមជួយលើក តម្កើងកិត្តយសឱ្យប្តីចាស់ម្នាក់នេះដែរ។
" អត់ចង់ កូនចង់អង្គុយនៅទីនេះ ខ្យល់អាកាស ត្រជាក់ស្រួល " នាងងរង៉ក់ទទ្រាំជើងដូចកូនក្មេង ដាក់លោកប៉ា បន្ទាប់មកក៏ថយទៅអង្គុយ នៅសាឡុងម្ខាង បែរមុខចេញមើលទេសភាពទីក្រុង ម៉ាឌ្រីដ នាពេលរាត្រី។
" អូខេ បងនិយាយការងារ មិនយូរទេ ជុប!! ហៅអីញ៉ាំតាមចិត្ត
ព្រះនាងតូច " ហួសចិត្តដែរ តែមិនដឹងត្រូវចាប់បង្ខំតាមរបៀបណា បើនាងរឹងរូសតែប៉ុណ្ណឹងហើយ ជុងហ្គុកអស់ជម្រើស បានត្រឹមតែគ្រវីក្បាល រួចដកកាបូបលុយ ដែលមានសាច់ប្រាក់មួយចំនួន ជាមួយនិងកាតខ្មៅក្នុងនោះ ហុចឱ្យនាង ស្រីល្អកញ្ឆក់យកមកទុករួច ងាកមុខចេញ មិនព្រមមើលមុខលោកប៉ា ដ៏តែសោះ ក្នាញ់ពេកជុងហ្គុកក៏ឱនថើប បបូរមាត់តូចច្រមិច មួយខ្សឺត មុនបោះជំហានចូលទៅខាងក្នុង។

ម្ចាស់តូចដើរចូលទៅខាងក្នុង នៅក្បែរបារ ដែលមានកំលោះសង្ហាម្នាក់ជនជាតិអេស្បាញម្នាក់ ដែកមានឈ្មោះថាថមមី ជាបុរសវ័យជ្រេ អាយុស្របាលគ្នា និងម្ចាស់តូចដែរ កាន់ខាងជំនួញផលិតស្រាវីស្គី ជាមហាសេដ្ឋីប្រាក់លាន លំបាប់លេខ១ ប្រចាំទីក្រុង
ម៉ាឌ្រីដនេះដែរ ថមមីអង្គុយស្តាប់ភ្លេងកំដរអារម្មណ៍ ម្នាក់ឯង គ្រលែងកែវស្រាក្រេបតិចៗ ដោយមិនដឹងខ្លួន ភ្លាមនោះម្ចាស់
តូចក៏បានចូលមកដល់ ៖
" មកតែម្នាក់ឯងទេលោកថម? " ម្ចាស់តូចគោះស្មាថមមី និងចាប់ដកកែវស្រាពីដៃថមមី ខណៈពេលដែលថមមី កំពុងស្លុងអារម្មណ៍មើលទៅភ្លើង ប្រគុំភ្លេងក្នុងបារ។
" ម្ចាស់តូច? "
" អ្ហឹម! សួស្តីសម្លាញ់ "
" បែកគ្នា៥ឆ្នាំ លោកសង្ហាដល់ហើយហ្ន៎! " ថមមីស្រវាឱបម្ចាស់តូចទះស្មាគ្នាទៅវិញទៅមក បន្ទាប់មកម្ចាស់តូចក៏អង្គុយនៅកៅអីក្បែរមិត្តសម្លាញ់ ដោយថមមី ជាអ្នកចាក់វីស្គីឱ្យម្ចាស់តូច។
" ធម្មតាធម្មតាទេ? ចុះសង្សា? " អង្គុយមិនទាន់ក្តៅគូទផងម្ចាស់តូចសួរនាំរក វត្តមានសង្សារបស់ថមមីតែម្តង ដោយក្រឡេកឆ្វេងស្តាំរកនាង។
" បែកគ្នាហើយ កុំនិយាយពីរឿងនោះ ពួកយើងរស់នៅមិនចុះសម្រុងគ្នា " ថមលើកកែវហុចឱ្យម្ចាស់តូចទង្គិចគ្នាទើបនិយាយប្រាប់ពីទំនាក់ទំនង របស់ខ្លួននិងមិត្តស្រី។
" ចូលរួមសោកស្តាយផង ដែលខ្ញុំសួររឿងនេះ "
" ចុះលោក? អាយុ៤០ឆ្នាំជាងហើយ មិនដែលបញ្ចេញមុខមិត្តស្រីសោះ "
" នោះអង្គុយញ៉ាំការ៉េម នៅខាងក្រៅ " មិនចង់អួតទេថាខ្លួនមានហើយ តែបើមិត្តសួរក៏រីករាយនិងប្រាប់ដូចគ្នា ម្ចាស់តូចចង្អុលទៅស្រតូច ដែលអង្គុយនៅខាងក្រៅ ញ៉ាំការ៉េមរងចាំខ្លួន។
" Wow...លោកប្រសព្វរើស មិត្តស្រីពិតមែន " ថមមីងាកសម្លឹងមើលរួចលើកសសរ ព្រោះខណៈពួកគេសម្លឹងមើលនាងតូច នាងក៏បែរមុខមក រកលោកប៉ាដូចគ្នា គ្រាន់តែឃើញសម្រស់នាងតូចភ្លាមធ្វើឱ្យថម ភ្ញាក់ផ្អើល។
" មិនមែនមិត្តស្រី តែជាប្រពន្ធ " ម្ចាស់តូចញញឹមញញែម ពេលមិត្តលើកសរសើសម្រស់ប្រពន្ធក្មេង នៅចំពោះមុខ។
" រៀបការពីពេលណា ទើបខ្ញុំមិនដឹង ឬលោកបំបិតខ្ញុំ? "
" ពួកយើងនៅជាមួយគ្នា មិនទាន់រៀបការទេ នាងនៅរៀន
នាងជាកូនក្មេង បុិនងរង៉ក់ណាស់ តែគួរឱ្យស្រលាញ់ "
" ទើបតែដឹងថាម្ចាស់តូច មានចំណូលចិត្តស្រលាញ់កូនក្មេង? "
" ហ្អឺស!! ក្មេងខ្ចី សាច់ផ្អែម " ម្ចាស់តូចចូលចិត្តនិយាយ
អ្វីដែលត្រង់ទៅត្រង់មក ព្រោះវាជាការពិត ចរិតម្ចាស់តូច ជាបុរសមិនចេះសម្តែង។
" មិនហៅនាងចូលមក នៅខាងក្រៅមិនល្អទេ " ថមងាកសម្លឹងមើលទៅខាងក្រៅម្តងទៀត ក៏បានប្រាប់ម្ចាស់តូច។
" នាងស្អប់ការញ៉ាំអាល់កុល ជាពិសេសមិនចូលចិត្ត
ឱ្យខ្ញុំញ៉ាំវា " នាយកំលោះញញឹមតិចទង្គិចកែវវីស្គីជាមួយមិត្តដោយងាក សម្លឹងមើលប្រពន្ធក្មេងដូចគ្នា ពិតដូចម្ចាស់តូចនិយាយអ៊ីចឹងនាងមិនចូលចិត្តឱ្យគេញ៉ាំស្រាឡើយ។
" តែលោកជាស្តេចស្រា ទំពាំងបាជូរណា នៅមាន
ស្រក្រហមទៀត អ្នកណាមិនល្បីឈ្មោះ ប្រែនម្ចាស់តូច "
ថមជ្រួញចិញ្ចើមកើតចម្ងល់ ពេលម្ចាស់តូចនិយាយដូច្នេះ។
" រឿងជំនួញស្រាក្រហម នាងមិនដែលបដិសេធទេ តែនាស្អប់ខ្ញុំពេលញ៉ាំស្រារួច ទៅរកនាងដល់បន្ទប់ ដើម្បីផ្អែមល្ហែមជាមួយគ្នា " ម្ចាស់តូចកាន់តែញញឹមញញែម ទ្វេដង មុខប្រែជាក្រហមពេលនិយាយ ដល់រឿងផ្អែមល្ហែម ជាមួយប្រពន្ធ ក៏ធ្វើឱ្យថមអៀនដែរ មិនគួរណាសួរនាំរឿងផ្ទាល់ខ្លួន ម្ចាស់តូចច្រើន។
" មកពីលោកខូចដែរ ជល់មួយ "
" ប្រុសណាមិនខូច មិនថាអ៊ីចឹងហ្អេស? "
" បើកចំហរឬមួយក៏ស្ងៀមស្ងាត់ "
" បើកចំហរយូរហើយ តែជំទាវម៉ាក់មិនទាន់ដឹងទេ "
" លើលោកនេះគ្មានបុរសណាខូច ជាងម្ចាស់តូចទេ "
" កុំសរសើបានទេ វិជ្ជាគុណខ្សោយហើយ ចាញ់ត្រឹមស្រីតូច
ម្នាក់នេះឯង " ម្ចាស់តូចគ្រវីក្បាលបដិសេធការលើកសរសើពីមិត្តសម្លាញ់ មុននិងលើកស្រាក្រេបតាមក្រោយ ជាតិនេះចាញ់ស្នេហ៍ក្រោមស្នាដៃក្មេងស្រីតូចច្រម៉ក់ មួយនេះហើយ។
" នេះជាបញ្ជីវីស្គីខាងខ្ញុំ ទំនេរអាចមកលេងដល់រោងចក្រ
ផលលិតបាន " ក្រោយនិយាយរឿងផ្ទាល់ខ្លួនចប់សព្វគ្រប់ ថមមីក៏ដកសៀវភៅបញ្ជី ឈ្មោះវីស្គីថ្មីចេញមកបង្ហាញម្ចាស់តូច និងប្រាប់ពីដំណើរការផលលិត លើកនេះម្ចាស់តូចមកជួប ប្រហែលជាចាប់អារម្មណ៍លើ វិស័យផលិតវីស្គី ដែរហើយ ទើបបានជាចង់ណាត់ជួបថមមី សួនាំរឿងខ្លះ ហើយថមមីក៏មិនបានលាក់បាំងដែរ ជាមិត្តនិងគ្នា មានអ្វីត្រូវលាក់។
" លោកប្រញាប់ប្រមូលលុយ ទៅណាថមមី? " លើសពីការរំពឹងទុករបស់ម្ចាស់តូច ថមមីកំពុងតែវាយលុកទីផ្សាអុឺរ៉ុប បញ្ចេញប្រភេទស្រវីស្គីជាច្រើនប្រភេទ តាមបញ្ជីឈ្មោះស្រា ដែលម្ចាស់តូចបានមើលរួច ក៏ចម្អន់ដាក់មិត្ត ថមមីក៏សើចគ្រវីក្បាល។
" ការប្រពន្ធទេដឹង ហ្អឺស!! "

ងាកមកមើលបរិយាកាសខាងក្រៅនេះ វិញម្តង នាងតូចហ្វីយ៉ាអង្គុយនៅសាឡុង ខាងក្រៅម្នាក់ឯង ក្រឡេកមើលទេសភាពទីក្រុង ដ៏ស្រស់ឆើតឆាយ ក៏ប៉ុន្តែនាងមិនបានចាប់អារម្មណ៍ភ្នែកមួយគូរ កំពុងសម្លឹងមើលមកនាងអស់ពេលជាយូរទេ បុរសម្នាក់នោះជាក្រុមម៉ាហ្វៀសង្គមងងឹត កំពុងផឹកវ៉ាញពិភាក្សាការងារ រឿផ្ទៃក្នុង ភ្លាមនោះ ៖
" អេ៎!! ប្អូន "
" បាទបង "
" បងកម្មង់ស្ត្រប៊ឺរីក្រឡុកមួយកែវ កុំភ្លេចដាក់វាក្នុងកែវនេះផង បន្ទាប់មកយកទៅឱ្យក្មេងស្រីម្នាក់នោះ ប្រាប់ថាមិត្តប្រុសនាងជាអ្នកកម្មង់ឱ្យ " បុរសម្នាក់នេះមានឋានៈជាមេឃ្លោង ធំជាងគេ ដែលអង្គុយសម្លឹងនាងតូច ហ្វីយ៉ា មកជាយូហើយ បានហៅបុគ្គលិក
លើកស្រាមក ដើម្បីកម្មង់ទឹកផ្លែឈើ ក្រឡុក មួយកែវឱ្យនាងតូចរូបស្រស់ ដែលខ្លួនអង្គុយសម្លឹងមើលពីចម្ងាយ ថែមទាំងបាន
ប្រគល់កញ្ចប់ថ្នាំម្យ៉ាង ទៅឱ្យបុគ្គលិក លើកស្រាទៀតផង។
" បាទបង "

______
និពន្ធដោយ: មីនស៍ហ្វា
( កូនឆីម៉េចម៉ាទេ😕)

To be continue