Super God Gene (1156)
နတ်ဘုရားကမ္ဘာက ဟန်ဆန်း
ဆောင်းသစ်(သံတွဲ) ဘာသာပြန်သည်။
-------- --------- -------- ------- --------
အခန်း (၁၁၅၆)
-------- --------- -------- ------- -------
နတ်ဘုရားကမ္ဘာကို ပြန်ရောက်တဲ့အခါ ဟန်ဆန်းဟာ အမိုးအကာမရှိတဲ့ အခန်းတခန်းထဲဝင်ပြီး နဂါးဘုရင်ကို ဆင့်ခေါ်လိုက်တယ်။" ဒါဘာလဲ ခင်ဗျားသိလား "
ဟန်ဆန်းက ဒင်္ဂါးပြားကို ပြပြီး မေးလိုက်တယ်။
“ ဧကရီဒင်္ဂါးလား၊ မင်းဘယ်က ရလာတာလဲ "
နဂါးဘုရင်က ဒင်္ဂါးပြားကို ကြည့်ပြီး အထိတ်တလန့် ပြန်မေးလိုက်တယ်။
" ဒါက တန်ဖိုးတခုခုရှိလို့လား ”
ဟန်ဆန်းက ပြန်မဖြေဘဲ နဂါးဘုရင်ကို ပြန်မေးလိုက်တယ်။
နဂါးဘုရင်က ဒင်္ဂါးပြားကို စစ်ဆေးကြည့်ရှုပြီး ခဏအကြာမှာ ဟန်ဆန်းကို ပြန်ပစ်ပေးလိုက်တယ်။
" အဲ့ဒါဘာလဲ၊ တခုခုပြောအုံးလေ "
ဟန်ဆန်းက မျက်မှောင်ကြုတ်ကာ မေးလိုက်တယ်။
“ ဒါက ဧကရီဒင်္ဂါး၊ ဒါပေမဲ့ ဘယ်က ရလာတာလဲဆိုတာ ပြောပါအုံး ”
နဂါးဘုရင်က ခေါင်းခါပြီး ပြန်ပြောလိုက်တယ်။
" ကျနော်သိချင်တာကို အရင်ပြော၊ အဲဒါက ဘာလဲ "
ဟန်ဆန်းက နဂါးဘုရင်ကို စူးစူးဝါးဝါး စိုက်ကြည့်ပြီး မေးလိုက်တယ်။ သူဟာ ဂူတွင်းမှာ ကြောက်ခမန်းလိလိ တွေ့ကြုံခံစားခဲ့ရတာကြောင့် စိတ်အချဉ်အနည်းငယ်ပေါက်နေတယ်။ အဲဒါကြောင့် သူဟာ နဂါးဘုရင်နဲ့ စကားအချေအတင်ပြောနေဖို့ လုံးဝစိတ်မဝင်စားပါဘူး။
နဂါးဘုရင်က ပြုံးပြီး ပြောလိုက်တယ်။
“ ဒါက ထူးခြားတယ်၊ နှစ်စက္ကန့်လောက်နဲ့ ပြီးအောင် ပြောလို့ မရဘူး ''
ဟန်ဆန်းက ထိုင်ချလိုက်ပြီး နဂါးဘုရင်ကို မော့ကြည့်လိုက်တယ်။
နဂါးဘုရင်က ဟန်ဆန်းကို ကြည့်ပြီး ဟန်ဆန်းဟာ စိတ်ကြည်မနေဘူး၊ စိတ်တိုနေတယ်လို့ သိလိုက်ပါတယ်။
“ တတိယနတ်ဘုရားကမ္ဘာမှာ ဧကရာဇ်တွေအများကြီးရှိတယ်၊ အဲဒီလိုပဲ ဧကရီတွေလဲ အများကြီးရှိတယ်၊ ဧကရီထဲမှာ အကျော်ကြားဆုံးကတော့ ညဧကရီပဲ၊ မိစ္ဆာဧကရာဇ်တောင် သူ့ကို ကြောက်တယ် ''
YOU ARE READING
နတ်ဘုရားကမ္ဘာက ဟန်ဆန်း အတွဲ ၂ ( Ch 961 - ......)ခွင့်ပြုချက်ရပြီး
Adventureနတ်ဘုရားကမ္ဘာမိတ်ဆက် အချိန်ခရီးသွားခေတ်မှာ လူသားတွေဟာ တယ်လီပို့နည်းပညာကို တီတွင်နိုင်ခဲ့တယ်။ ဒါပေမဲ့ တယ်လီပို့နည်းပညာနဲ့ တကယ်တမ်း အချိန်ခရီးသွားခဲ့တဲ့အခါမှာတော့ လူသားတွေဟာ အနာဂတ်ကိုလဲ မရောက်ခဲ့သလို အတိတ်ကိုလဲ မရောက်ခဲ့ပါဘူး။ သူတို့ တကယ်ရောက်ခဲ့တာက အ...