Super God Gene (1591)
နတ်ဘုရားကမ္ဘာက ဟန်ဆန်း
ဆောင်းသစ်(သံတွဲ) ဘာသာပြန်သည်။
-------- --------- -------- ------- -------
အခန်း (၁၅၉၁)
-------- --------- -------- ------- ------
ဒုတိယဦးလေးက ပြုံးပြီး ဖြေလိုက်တယ်။
“ အဲဒီလူက ဘယ်သွားသွား အသက်ရှင်သန်အောင် နေနိုင်တယ်၊ သူက လဲကျပြီးေ သမဲ့ လူစားမျိုးမဟုတ်ဘူး ”
" ဒါဆို အခု သူက ဘယ်မှာလဲ "
ဟန်ဆန်းက မေးလိုက်တယ်။
ဒုတိယဦးလေးက မဖြေဘဲ သစ်သားစားပွဲတလုံးမှာ ဝင်ထိုင်လိုက်တယ်။ ပြီး လက်ဖက်ရည်သုံးခွက်ကို ငှဲ့ပြီး ဟန်ဆန်းနဲ့နင်ယွဲ့ကို နှစ်ခွက်ပေးလိုက်တယ်။ သူက တငုံသောက်ပြီးနောက် ခွက်ကို သူ့ရှေ့မှာ ချပြီး ပြောလိုက်တယ်။
“ သူဘယ်မှာလဲဆိုတာ ငါလဲ သိချင်တယ် ''
ဟန်ဆန်းက စိတ်ပျက်ပျက်နဲ့ ပြောလိုက်တယ်။
'' ဦးလေးက ကျနော့်ဆီမှာ အဖြေရှာရင် မှားသွားမယ်၊ သူဘယ်မှာနေလဲဆိုတာထားအုံး သူ့ကို ကျနော် တခါမှ မမြင်ဖူးဘူး "
ဒုတိယဦးလေးက ခေါင်းခါပြပြီး ပြောလိုက်တယ်။
“ သူဘယ်မှာလဲဆိုတာကို မင်းမသိဘူးဆိုတာ ငါသိတယ် ''
" ဒါဆို ဦးလေးက ကျနော့်ကို ဘာလို့ခေါ်တွေ့တာလဲ "
ဟန်ဆန်းက မေးလိုက်တယ်။
ဟန်ဆန်းက ဒုတိယဦးလေးက သူ့ဆီကနေ ဘာလိုချင်နေလဲ။ သူနားမလည်တော့ပါဘူး။
ဒုတိယဦးလေးက ဟန်ဆန်းကို ကြည့်ပြီး သက်ပြင်းချကာ ပြောလိုက်တယ်။
" ဟန်ကျင့်ရှီနဲ့ မင်းနဲ့က ဘာမှ မတော်ဘူးလို့ ပြောရင် မင်းယုံမလား ''
ဟန်ဆန်းက အံ့အားသင့်သွားပြီး-
“ ဘာလို့လဲ ”
လို့ ပြန်မေးလိုက်တယ်။
ဟန်ဆန်းဟာ အတိတ်တုန်းက ဒီအကြောင်းနဲ့ပတ်သက်ပြီး သံသယတွေရှိခဲ့ဖူးတယ်။ ဒါပေမဲ့ သူ့အဖေက ဟန်ကျင့်ရှီဟာ သူ့အဘိုးလို့ ပြောခဲ့တယ်။ အခု ဒုတိယဦးလေးက သူနဲ့ဟန်ကျင့်ရှီဟာ သွေးသားမတော်စပ်ဘူးလို့ ပြောလာတယ်။ သူ မယုံပါဘူး။ ဒါပေမဲ့လဲ ဒုတိယဦးလေး ပြောတာကို နားထောင်ချင်စိတ်ရှိနေပါတယ်။
YOU ARE READING
နတ်ဘုရားကမ္ဘာက ဟန်ဆန်း အတွဲ ၂ ( Ch 961 - ......)ခွင့်ပြုချက်ရပြီး
Adventureနတ်ဘုရားကမ္ဘာမိတ်ဆက် အချိန်ခရီးသွားခေတ်မှာ လူသားတွေဟာ တယ်လီပို့နည်းပညာကို တီတွင်နိုင်ခဲ့တယ်။ ဒါပေမဲ့ တယ်လီပို့နည်းပညာနဲ့ တကယ်တမ်း အချိန်ခရီးသွားခဲ့တဲ့အခါမှာတော့ လူသားတွေဟာ အနာဂတ်ကိုလဲ မရောက်ခဲ့သလို အတိတ်ကိုလဲ မရောက်ခဲ့ပါဘူး။ သူတို့ တကယ်ရောက်ခဲ့တာက အ...
