❤️ Love & Fortune ❤️
အပိုင်း 5
"ရှင် ဘာလို့ ပြုံးလိုက်တာလဲလို့ မေးနေတာ.... ကျွန်မရွေးထားတဲ့ ခန်းမက ဘာဖြစ်လို့လဲ "
"ခန်းမက ဘာမှမဖြစ်ပါဘူး ... အကောင်းကြိုက်လွန်းတဲ့ မင်းရဲ့ စိတ်ကို သဘောကျမိလို့ပါ.... မင်းကို ငါပို့ပေးလိုက်တဲ့ ခန်းမတွေထဲမှာ ဒီခန်းမက အကောင်းဆုံးနဲ့ အဆင့်မြင့်ဆုံးပဲလေ..... ဒါပေမဲ့ ကိစ္စတော့မရှိပါဘူး ....မင်းကိုယ်တိုင် Mian Bao Xia တစ်ပွဲ ကြော်ကျွေးထားတာပဲဟာကို ဒီလောက်တော့လိုက်လျောပေးရမှာပေါ့ ....."
ကြည့်စမ်း.... ဒါ သူမကို Mian Bao Xia တစ်ပွဲနဲ့ လုပ်စားသွားတယ်လို့ ပြောလိုက်တာပဲ။
ဒီလိုမှန်းသိရင် သူ့ကို သွားမကျွေးပါဘူး။
စေတနာကို စေတနာမှန်းမသိသည့်အလကားလူ။
"ပြပွဲက ဘယ်နေ့လုပ်မှာလဲ "
"မသိဘူး "
ရုတ်တရက်ကြီး ဘောက်ဆတ်ဆတ်ပြန်ဖြေလာသည့် သူမကြောင့် ယော ထူးဆန်းသွားရသည်။
"ဘာဖြစ်သွားတာလဲ "
"ရှင့်စကားကို စိတ်ဆိုးသွားတာလေ....ပြောပုံက မသိရင် ကျွန်မကပဲ Mian Bao Xia တစ်ပွဲနဲ့ ရှင့်ရဲ့ အကောင်းဆုံးခန်းမကို ပြပွဲလုပ်ဖို့ ယူသွားသလိုလို ဘာလိုလိုနဲ့ ...."
"အဟွန်း အဲ့လိုသဘောဖြစ်သွားတာလား... "
"ဟုတ်တယ်အဲ့လိုသဘောဖြစ်သွားတာ.... ဒီမှာ ယောနိုင်ငံ ကျွန်မရှင်းရှင်းပဲ ပြောမယ် .... ကျွန်မက ရှင့်ရဲ့ မိန်းမ မဟုတ်ဘူးလား..."
"ဟုတ်တယ်လေ"
"ကျွန်မကြားဖူးတာတော့ မိန်းမဆိုတာက ယောကျာ်းပိုင်တဲ့ ပစ္စည်းမှန်သမျှကို အလိုလိုသက်ဆိုင်ပြီးသားတဲ့.... အဲ့တာကြောင့်ကျွန်မ ရှင့်ကို Mian Bao Xia ကြော်မကျွေးရင်တောင် ရှင့်ရဲ့ အကောင်းဆုံးခန်းမကို ကျွန်မက ပြပွဲလုပ်ချင်လို့တောင်းလာရင် ရှင် ပေးရမှာပဲ မဟုတ်လား "
သူမရဲ့ စကားကြောင့် သူက မျက်ခုံးအသာပင့်ပြီး ကြည့်လာသည်။
"မင်းက ဒီလိုလဲ မဏ္ဍပ်တိုင် တက်ပြတတ်တယ်လား.... မင်း ကိုယ့်ကို စိတ်မ၀င်စားဘူးလို့ပဲ ကိုယ်က ထင်ထားတာ.... အဟွန်းပြောပါဦး မင်း ဘယ်အချိန်တုန်းက Mrs. ယော လုပ်ဖို့ကို စိတ်၀င်စားသွားရတာလဲ .... "
