မိုးကောင်းကင်အောက် မှ ကလဲ့စား
Chapter – 343
"လျှို့ဝှက်မြေပုံ"
“ခေါင်းဆောင် . . . ကျုပ်တို့ အခု ဘယ်လို လုပ်ကြမလဲ။ ဒီအတိုင်း စော်ကားတာကို ငြိမ်ခံနေကြရမှာလား . . .”
နေရောင်ဂိုဏ်းမှလူများသည် သက်ပြင်းကိုယ်စီ ချမိလိုက်ကြသည်။
ယခုကဲ့သို့သာ ဆက်လက် အစော်ကား ခံရမည် ဆိုပါက နေရောင်ဂိုဏ်းအဖို့ ရှေ့လျှောက် မလွယ်ကူ
လှချေ။ ဖိနှိပ်ခံလိုက်ရသည့်အတွက် စိတ်ထဲတွင်လည်း ရှက်ရွံ့နေမိကြသည်။
(တော်တော်ကို အသက်ရှူကြပ်စရာကောင်းတဲ့ အနေအထားပါလား . . .)
နေရောင်ဂိုဏ်းမှ လူများသည် ရင်ထဲရှိ ဒေါသများအား ပေါက်ကွဲပစ်ချင်နေကြသည်။
ဝမ်အာ၏ လက်ချက်ကြောင့် မြေပြင်ပေါ်တွင် အရိုးကြိုးပြတ် လဲကျနေသော တစ်ဂိုဏ်းတည်းသား ညီအစ်ကိုအား ကြည့်ရင်း အရိုးများအားလုံး ကျိုးကြေသွားလောက်သည်ဟု ခန့်မှန်းမိလိုက်ကြသည်။ ဒဏ်ရာဒဏ်ချက်များကြောင့် ဒုက္ခိတဖြစ်လုနီးပါးပါပင် ဖြစ်သွားခဲ့ရသည်။ ထို့ကြောင့် ဂိုဏ်းသားများ အားလုံးသည် စိတ်ထဲတွင် မကျေမချမ်းပင် ဖြစ်နေကြလေသည်။
(ဒါတောင် ချမ်းသာပေးလိုက်တာလို့ ပြောသေးတယ်။ ဒီနေ့ ဝမ်အာက စိတ်အနှောင့်အယှက် ဖြစ်စရာ တစ်ခုခုများ ရှိနေလို့လား။ သူဘာလို့ ဒီလို လာလုပ်ရတာလဲ။ အဆင့်ဒီလောက်ထိ ကွာခြားနေတာကို တမင်သက်သက် အနိုင်ကျင့်သွားတာပဲ မဟုတ်လား။ တော်တော် သည်းမခံနိုင်စရာပဲ . . .)
ဂျိချန်းဖန်မှ ဒေါသတကြီးဖြင့် -
“မင်းတို့က ငါ့ကို ဘာလုပ်ကြမလဲ မေးနေတယ်။ ငါတို့ လုပ်သင့်တာ လုပ်ကြရမှာပေါ့ကွာ . . .”
“ငါတို့ အလုပ်ကို မုန်တိုင်းအိမ်တော်က ဝင်ရှုပ်ဦးမလား သိချင်မိတယ်။ သူတို့ကလည်း သူတို့ အကျိုးအမြတ်အတွက် လုပ်ရသလို ငါတို့ကလည်း ကိုယ့်အကျိုးအတွက် ကိုယ်လုပ်ကြရမှာပဲ . . .”
“အခု ဒီမှာ ငါတို့လူတွေ စုစည်းမိနေပြီဆိုတော့ စီစဉ်ထားတဲ့ အတိုင်းသာ လုပ်ကြတာပေါ့ . . .”
DU LIEST GERADE
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AbenteuerMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
