Chapter (421)
“လေနှင့်အတူ”
“ကျုပ်မသောက်တော့ဘူး . . .”
ကျောင်းဖင်းရှန် ရဲရှောင်အား ကြည့်ရင်း ပြောလိုက်သည်။
ရဲရှောင်မှ -
“ကျုပ်ကတော့ သောက်မယ်၊ ဒီလို အတူရှိခွင့် ရတဲ့အတွက် ကျုပ်တို့ သောက်ရင်းနဲ့ အမှတ်တရ အခိုက်အတန့်ကို ဖြတ်သန်းသင့်တယ်ဗျ။ နောက်ပြီး ခင်ဗျားဇာတ်လမ်းကို ဘာမှမသောက်ဘဲ နားထောင်ရရင် တစ်ခုခု လိုနေမှာ သေချာတယ်။ ပျင်းစရာ ကောင်းနေမှာ . . .”
ကျောင်းဖင်းရှန် ငေးငိုင်သွားပြီးနောက် -
“ဟုတ်ပါတယ် . . . ကျုပ်လည်း သောက်ပါ့မယ် . . .”
ထို့နောက် ကျောင်းဖင်းရှန်သည် အရက်ခွက်အား ကိုင်မြှောက်လိုက်ပြီးနောက် စက္ကန့်ပိုင်းအတွင်း သောက်ချလိုက်လေသည်။
ရဲရှောင်၏ စိတ်ထဲတွင် အံ့ဩသွားကာ ပါးစပ်အဟောင်းသား ဖြစ်သွားသည်။
(ဘာလဲဟ . . . ပြောတော့ မသောက်ဘူးဆိုပြီး မော့ချလိုက်တာ တစ်ကျိုက်တည်းပဲ။ သူမသောက်ဘူးဆိုပြီး သောက်တာ တခြားလူတွေ သောက်မယ်ပြောပြီး သောက်တာထက်တောင် ပိုများနေသေးတယ် . . .)
ကျောင်းဖင်းရှန် ခွက်အား ပြန်ချလိုက်ပြီးနောက် ရဲရှောင်အား စိုက်ကြည့်ကာ -
“ဖန်ဧကရာဇ် . . . ခင်ဗျားကို ကျုပ်မေးပါရစေဦး။ ခင်ဗျား တကယ်ပဲ ယုအာကို မြင်နေရတာလား။ ကျုပ်ရဲ့ ယုအာလေးကိုလေ . . .”
ရဲရှောင်လည်း ယင်ယန်မျက်လုံးအား ပြန်လည်ဖွင့်၍ ကျောင်းဖင်းရှန်၏ အနီးပတ်ဝန်းကျင်ထံသို့ တစ်ချက်ကြည့်လိုက်သည်။
ထိုအခါ မြူခိုးများကြားထဲမှ မိန်းကလေးတစ်ဦးသည် ရဲရှောင်အား မျှော်လင့်ကြီးစွာ ကြည့်နေသည်ကို တွေ့လိုက်ရသည်။
“ခင်ဗျားရဲ့ ယုအာလား ဘာလားတော့ မသိဘူး။ ကျုပ်မြင်နေရတာကတော့ နဖူးမှာ မှဲ့နီလေးတစ်လုံး ပါတဲ့ မိန်းကလေးကိုပဲ။ သူက ခင်ဗျားဘေးမှာ ရှိနေတယ် . . .”
ကျောင်းဖင်းရှန် ပြုံးလိုက်ပြီး -
“တကယ်ပဲလား . . . ယုအာ . . . မင်းငါ့နားမှာ အမြဲတမ်း ရှိနေခဲ့တာလား။ ငါမသိခဲ့မိဘူး။ နတ်ဘုရားတွေက ငါ့ကို မျက်နှာသာပေးခဲ့တာပါလား . . .”
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
