Chapter (485)
“အံ့ဩတုန်လှုပ်ခြင်း”
“ဘာဖြစ်လို့လဲ . . . အဲဒီ မန်ဟွာချင်းဆိုတာ ခင်ဗျားတို့ဆီမှာ နာမည်ကြီးလို့လား . . .”
“ခင်ဗျားအမူအယာ ကြည့်ရသလောက် ဆရာမ မန်ဟွာချင်း နာမည်ကြီးတယ်ထင်တယ် . . .”
ရဲရှောင် တအံ့တဩဖြင့် မေးလိုက်သည်။
ရဲရှောင်၏ စိတ်ထဲတွင် မန်ဟွာချင်းသည် နာမည်ကြီးတစ်ယောက် ဖြစ်လေလေ သူ့အတွက် ကောင်းလေလေ ဟုလည်း တွေးနေမိသည်။
နာမည်ကြီး ဖြစ်သည်နှင့်အညီ ထိုနယ်ပယ်တွင် သူမ၏ ဩဇာအာဏာသည်လည်း များစွာ သက်ရောက်ပေလိမ့်မည်။ ထိုသို့ဆိုလျှင် စုယဲ့ယွဲ့အတွက်လည်း အထောက်အပံ့ များများ ရနိုင်မည် မဟုတ်ပါလော။
(နာမည်ကြီးလို့လားလို့ မေးလိုက်တယ်ပေါ့ . . .)
လင်းဝုရှဲ့သည် အံ့ဩလွန်းသဖြင့် မျက်လုံးပြူးလျက် ပါးစပ်အဟောင်းသား ဖြစ်နေလေသည်။ နောက်ဆုံးတွင် သက်ပြင်းတစ်ချက် လေးလေးပင်ပင် ချလိုက်မိသည်။
“အဟွတ် . . . အဟွတ် . . . အဟွတ် . . .”
လင်းဝုရှဲ့သည် ဘာပြန်ပြောရမှန်း မသိတော့သဖြင့် ချောင်းသာဆိုးနေမိသည်။ ကျင့်ကြံမှုအဆင့် လွန်စွာမြင့်မားသည့် လူဖြစ်သည့်တိုင် သည်းသည်းထန်ထန် ချောင်းဆိုးသောကြောင့် မျက်ရည်များပင် ထွက်လာလေသည်။
(သူက ဘုရင်မလေ . . . အဲဒါတောင် နာမည်ကျော်လားလို့ မေးနေရသေးလား . . .)
(နာမည်ကျော်တယ် ဆိုတာထက်ကို ပိုသေးတယ်။ အရမ်းကို ကျော်ကြားတဲ့ လူတစ်ယောက်ပေါ့)
(နယ်မြေအရှင်သခင် တစ်ဦးရဲ့ မိန်းမပဲဟာ . . .)
(အဲဒါကို ကျော်ကြားတဲ့လူလားလို့ မေးနေစရာ လိုသေးလား . . .)
(သူက ဘိုင်ချန်ရဲ့ အမေ၊ မန်ဝုဇန်ရဲ့ အဒေါ်ပဲ . . .)
(အရှေ့ကောင်းကင်ဘုရင်ရဲ့ ချွေးမလေ၊ အနောက်ကောင်းကင်ဘုရင်ရဲ့ အစ်မကွ . . .)
(အဲဒီလောက်ဆို လုံလောက်ပြီလား . . .)
(စကြဝဠာထဲက ဘယ်သူမှ မန်ဟွာချင်းကို မဆန့်ကျင်ရဲဘူး။ အရှေ့ကောင်းကင်ဘုရင်ကို ဆန့်ကျင်ရဲတဲ့လူ ရှိချင်ရှိလိမ့်မယ်၊ ဒါပေမယ့် ဘုရင်နှစ်ပါးကိုတော့ ဘယ်သူက ဆန့်ကျင်ရဲမှာလဲ . . .)
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
