Chapter (420)
“စိတ်တန်ခိုးမျက်လုံး”
ဝမ်အာနှင့် ချူးအာတို့မှ တအံ့တဩဖြင့် -
“ဟင် . . . ထူးဆန်းတယ်နော် . . .”
သခင်ကြီးဘိုင် မျက်မှောင်ကြုတ်လျက် -
“ဖန်ဇီလင် အဲဒီလို ပြောပြီးတာနဲ့ ကျောင်းဖင်းရှန်က သူ့အဖွဲ့ကို သူပြန်ဆန့်ကျင်လိုက်တာလား . . ."
“သူ့ပုံစံက ဘယ်လိုမျိုး ဖြစ်နေလဲ၊ ဘာများ ပြောလိုက်သေးလဲ၊ အသေးစိတ် ပြန်ပြောစမ်း . . .”
ဝတ်ရုံနက်ဖြင့်လူလည်း တခဏမျှ စဉ်းစားလိုက်ပြီးနောက် ဇာတ်လမ်းအား အစမှနေ၍ ပြန်ပြောပြပြန်သည်။ ထိုသို့ ပြောပြနေချိန်၌ သခင်ကြီးဘိုင်၏ မျက်နှာသည် တည်ငြိမ်သွားလိုက် မျက်မှောင်ကြုတ်သွားလိုက်ဖြင့် အမူအယာအမျိုးမျိုး ဖြစ်ပေါ်နေလေသည်။
သခင်ကြီးဘိုင် မျက်မှောင်ကြုတ်ရင်း အတွေးနယ်ချဲ့နေစဉ်မှာပင် သူ၏ မျက်နှာရှိ ဒဏ်ရာများသည်လည်း တဖြည်းဖြည်းချင်း ပျောက်ကွယ်ကုန်ကြသည်။
ထိုအခါ ဝက်ခေါင်းကဲ့သို့ ယောင်ကိုင်းမနေတော့ဘဲ ယခင်ကကဲ့သို့ ချောမောခန့်ညားသော ရုပ်ရည်မျိုး ပြန်ဖြစ်သွားသည်။ ဝတ်ရုံနက်ဖြင့်လူ ပြောပြသည့် စကားများအား အစအဆုံး နားထောင်ပြီးသည့်နောက် သခင်ကြီးဘိုင် ဇာတ်ရည်လည်သွားလေသည်။
“ဖန်ဇီလင်ကတော့ ငါ့ကို အမြဲတမ်း အံ့ဩအောင် လုပ်နေတော့တာပဲ။ သူ့မှာ စိတ်တန်ခိုးမျက်လုံး ရှိနေတာပဲ။ ဒီလို အဆင့်နိမ့်နယ်ပယ်မှာ အခုလို လျှို့ဝှက်ဆန်းကြယ်တဲ့ အစွမ်းမျိုး ပိုင်ဆိုင်ထားတဲ့လူ တကယ်ပဲ ရှိနေတာလား၊ တော်တော်ကို ထူးဆန်းတာပဲ . . .”
ဝမ်အာနှင့် ချူးအာတို့လည်း အံ့ဩသွားကာ -
“စိတ်တန်ခိုးမျက်လုံး ဟုတ်လား . . . ဘယ်လိုများလဲ . . .”
သခင်ကြီးဘိုင် ခေါင်းညိတ်လိုက်ရင်း -
“ကျိုးကြောင်းဆီလျော်အောင် ရှင်းပြလို့တော့ မရပေဘူး။ ကျောင်းဖင်းရှန်က သူ့ရန်သူပြောတဲ့ စကားကို အလွယ်တကူ ယုံလိမ့်မယ်လို့များ ထင်နေလား၊ အဲဒီလောက်ထိတော့ မရူးမိုက်ဘူးလေ . . .”
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
