မိုးကောင်းကင်အောက် မှ ကလဲ့စား
Chapter – 353
“ဆဲဆိုကြခြင်း”
ဆဲဆိုနေသည့် အသံများကြောင့် မင်းကြီးသည် စိတ်အနှောင့်အယှက် ဖြစ်လျက် ရှိသည်။ မည်သူမဆို အိပ်စက် အနားယူနေသည့် အချိန်တွင် ဆူညံနေခြင်းအား ကြိုက်နှစ်သက်လိမ့်မည် မဟုတ်ပေ။ ဆဲဆိုနေသည့် အသံများ ထွက်ပေါ်ရာနေရာမှာ တော်ဝင်အိမ်တော်နှင့် အနီးကပ်ကြီး မဟုတ်ကြောင်း မင်းကြီး ရိပ်စားမိလိုက်သည်။ သေချာစေရန်အတွက် အပြင်ဘက်သို့ ကြည့်မိသည့်အခါ ကောင်းကင်အဆင့် ပညာရှင်များ အော်ဟစ်နေကြသည်ကို သိလိုက်ရသည်။ အချို့မှာ အပြာရင့်ရောင် အလင်းတန်းများပင် ထုတ်လွှတ်နိုင်ကြသည့် ကောင်းကင်အဆင့်၏ ဆရာသခင် အဆင့် ပညာရှင်များပင် ဖြစ်နေလေသည်။
(သူတို့ သိုင်းလောကကလည်း ဒီလိုတွေချည်းပဲလား။ သူတို့ကိုယ်သူတို့ အစွမ်းထက်ဆုံး ဂိုဏ်းတစ်ခုလို့ ထင်နေကြပုံပဲ . . .)
ဘုရင်သည် ဒေါသထွက်နေသည့်တိုင် သည်းခံ၍သာ နေနေရသည်။
ချန်နိုင်ငံတော်တွင် ဘုရင်သည် အာဏာအရှိဆုံး ဖြစ်သော်လည်း ထိပ်သီး အင်အားစုများနှင့် ရင်ဆိုင်ရသည့် အခါမျိုးတွင် သာမန်လူတစ်ဦးကဲ့သို့ပင် ဖြစ်သွားရသည်။ ယခု ပညာရှင်များမှာ ထိပ်သီးများပင် ဖြစ်သဖြင့် အလွယ်တကူ ရင်ဆိုင်နိုင်မည့် လူများ မဟုတ်ပေ။
ထိုလူများသည် ရူးသွပ်နေခြင်းပင် ဖြစ်နိုင်သည်ဟု တွေးနေမိသည်။ ထိုကဲ့သို့သာ မဟုတ်ပါက အကြောင်းမဲ့သက်သက်ဖြင့် ယခုကဲ့သို့ အော်ဟစ်နေမည် မဟုတ်ပေ။ မင်းကြီးကိုယ်တိုင်သည်လည်း ထိုကဲ့သို့ အော်ဟစ် နေကြရသည့် အကြောင်းရင်းအား သိချင်နေမိသည်။
အကယ်၍ မင်းကြီးဘက်မှ တစ်စုံတစ်ခု ဝင်ရောက်နှာင့်ယှက်လိုက်မိမည် ဆိုပါက ထိုလူများ၏ ဒေါသများသည် တော်ဝင်မျိုးနွယ်ထံသို့ စုပြုံကျလာနိုင်ပေသည်။
ထိုအခါ တော်ဝင်မျိုးနွယ်အဖို့ ဂြိုလ်ဆိုးဝင်သွားသည်ထက်ပင် ဆိုးပေလိမ့်မည်။ အနည်းဆုံးမူ တော်ဝင်မျိုးနွယ်ထဲမှ လူအတော်များများ အသတ်ခံရနိုင်ချေရှိသည်။
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
