မိုးကောင်းကင်အောက် မှ ကလဲ့စား
Chapter – 365
“ကျားရဲတွင်းသို့”
လျူချန်းဂျန်သည် အသက်လု၍ ပြေးနေရလေသည်။ နင်ဘီလျူ ပြောသကဲ့သို့ အယောင်ဆောင်ရခြင်း အလုပ်သည် အလွန်ပင်ပန်း လှပေသည်။
လျူချန်းဂျန်သည် ကျားရဲတွင်းထဲသို့ သွားရောက်ခဲ့သည်ဟုပင် ဆိုရပေမည်။
သူသွားရောက်ခဲ့သည့် နေရာမှာ အပြာရောင်လေ နိုင်ငံတော်၏ လုပ်ကြံသတ်ဖြတ်ရေး ပညာရှင်များ စုဝေးရာ နေရာဖြစ်သည်။
ရဲရှောင်၏ ညွှန်ကြားပြသမှုများသာ မရှိခဲ့ပါက ယခုကဲ့သို့ အန္တရာယ်များလှသည့် တာဝန်အား ယူရဲမည် မဟုတ်ချေ။
တာဝန်များ ခွဲဝေယူခဲ့စဉ်က ရဲရှောင်သည် အခက်ခဲဆုံး ဖြစ်သည့် တာဝန်အား ယူသွားခဲ့ပြီး မော်တယ်ကမ္ဘာ၏ နံပါတ် ၁ လုပ်ကြံသတ်ဖြတ်ရေး ပညာရှင်ဖြစ်သူ နင်ဘီလျူသည် ဒုတိယ အခက်ခဲဆုံး တာဝန်အား ယူခဲ့လေသည်။
လျူချန်းဂျန်ကိုမူ ဝန်အပေါ့ဆုံးဖြစ်သည့် တာဝန်အား ပေးခဲ့ခြင်း ဖြစ်သည်။
တကယ့်လက်တွေ့တွင်လည်း ထိုတာဝန်သည် လွယ်ကူလှ၏။ ပထမဦးစွာ လျူချန်းဂျန်အနေဖြင့် ထိပ်တန်းပညာရှင်များစွာ စုဝေးရာ နေရာသို့ အုပ်ချုပ်ရေးပိုင်းမှ လူတစ်ဦးအသွင် ဟန်ဆောင်ကာ သွားရောက်ရမည် ဖြစ်သည်။ ထိုနေရာသို့ ရောက်သည့်အခါ တော်ဝင်အိမ်တော်မှ လုပ်ကြံသတ်ဖြတ်ရေး သမားများအား လိုက်လံဖမ်းဆီးနေသည် ဟူသော သတင်းတုအား ဖြန့်ပေးရုံသာ ဖြစ်သည်။ ထိုကဲ့သို့ ပြုလုပ်ရသည့် ရည်ရွယ်ချက်မှာ လုပ်ကြံသတ်ဖြတ်သူ ပညာရှင်များ တကွဲတပြားနှင့် ရုတ်ရုတ်သဲသဲ ဖြစ်သွားရန်သာ ဖြစ်သည်။
လျူချန်းဂျန်သည် လုပ်ကြံသတ်ဖြတ်ရေး ပညာရှင်များ စုဝေးရာ နေရာသို့ ရောက်ဖူးသဖြင့် ထိုသတင်းတု ဖြန့်ရမည့် နေရာအား သိနေလေသည်။ ထိုနေရာသည် သတင်းများစွာ ရယူနိုင်သော နေရာတစ်ခုလည်း ဖြစ်သည်
ထိုကဲ့သို့သော နေရာမျိုးတွင် ကောလဟလ သတင်းတစ်ပုဒ်အား ဖြန့်ရန်မှာ လျူချန်းဂျန်အတွက် မခက်ခဲလှချေ။
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...