Chapter (481)
“ကျုပ်တို့မလိုချင်ပါဘူး”
မှန်ပေသည်။ ပြောင်ပြောင်လက်လက်ဖြင့် တောက်ပနေသည့် အရာများမှာ ထူးခြားအစွမ်းထက် ဆေးလုံးများသာ ဖြစ်သည်။ ပြာများအတွင်း ဆေးလုံးပေါင်း ၄၀ လောက် ရှိနေခြင်း ဖြစ်သည်။ ဆေးလုံးများ၏ အပေါ်တွင် လှပသော ဆေးတိမ်တိုက်များ ဖြစ်ပေါ်လျက် ရှိနေသည်။
ဂိုဏ်းကြီး ၂ ဂိုဏ်းသည် လေလံပွဲ၌ ဆေးလုံးများ ရရှိခဲ့ကြခြင်း မရှိပေ။ ထိုသို့ဆိုလျှင် ၎င်းတို့၌ ဆေးလုံးများ အဘယ်ကြောင့် ရောက်ရှိနေပါသနည်း။
ရဲရှောင်လည်း ကြမ်းပြင်ပေါ်ရှိ ဆေးလုံးများအား ငေးကြည့်ရင်း -
“အံ့ဩစရာတော့ မရှိပါဘူးလေ . . . ဒီဆေးလုံးတွေက တခြားမျိုးနွယ်စုတွေကလို့ ကျုပ်တော့ ထင်တာပဲ။ အခု ဆေးလုံးတွေ ဒီမှာ ရှိနေတာဆိုတော့ ဒီဆေးလုံးတွေကို ကျန်တဲ့ ဂိုဏ်း ၃ ဂိုဏ်းကို သတ်ပြီးပဲ ရလာသလား၊ ဒါမှမဟုတ် သူတို့ကိုယ်တိုင်ပဲ ကြောက်လို့ ပေးလိုက်လား မသိပါဘူး . . .”
လောင်ရှန်ယွန်မှ တံတွေးမျိုချလိုက်ရင်း -
“မူမျိုးနွယ်နဲ့ ဂေါင်စွန်းမျိုးနွယ် . . .”
ရဲရှောင် ပြုံးလျက် -
“ဒါကတော့ ဘယ်သူဘယ်လောက်ပိုင်လဲ မသိဘူးပေါ့။ အခု ဆေးလုံးတွေ ဒီမှာ ရှိနေပြီ။ လင်းပါအိုကလည်း ဒီဆေးလုံးတွေကို ရောင်းချခဲ့ပြီး ဖြစ်တဲ့အတွက် ကျုပ်ကတော့ ပြန်မယူတော့ပါဘူး။ ဆရာလောင် . . . ခင်ဗျား ယူချင်တယ်ဆိုရင် ယူလိုက်လေ။ ကျုပ်ဘာမှ မပြောဘူး . . .”
လောင်ရှန်ယွန် တံတွေးမျိုချလိုက်ပြန်ရင်း ဆေးလုံးများအား လှမ်းကြည့်လိုက်ပြန်သည်။
(ငါယူသင့်လား . . . ယူသင့်လား . . .)
လူတိုင်းသည်လည်း ထိုမေးခွန်းအား အကြိမ်ကြိမ်အဖန်ဖန် သူတို့ကိုယ်သူတို့ ပြန်မေးနေမိကြသည်။
လူတိုင်းသည် ထူးခြားအစွမ်းထက် ဆေးလုံးများအား လိုချင်ကြသည်ချည်းသာ ဖြစ်သည်။ သို့သော်လည်း ပြင်းထန်လှသည့် အဆိပ်များကြောင့် သေဆုံးသွားကြသူများ၏ ပြာပုံအတွင်းမှ ဆေးလုံးများကို မည်သူက စားရဲပါမည်နည်း။
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...