Chapter (490)
“ဘယ်တော့မှအလျော့မပေးဘူး”
“ငါတို့ရဲ့ ဆက်ဆံရေးက မင်းထင်နေသလို မဟုတ်ဘူး။ ငါတို့နှစ်ယောက်ကြားက ဆက်ဆံရေးဆိုတာ အရောင်တွေ ကင်းမဲ့ပါတယ်။ မင်းအနေနဲ့ သူ့ကို အသုံးချပြီး ဘာကြောင့်များ ငါ့လာခြိမ်းခြောက်နေလဲ မသိတော့ဘူး . . .”
ရဲရှောင် ဝမ်အာအား စူးစိုက်ကြည့်ရင်း ပြောလိုက်သည်။
“ငါသူ့အသက်ကို ကယ်ခဲ့တယ်။ သူကလည်း ကျေးဇူးသိတတ်တဲ့ လူတစ်ယောက် ဖြစ်တဲ့အတွက် ငါဒုက္ခတွေ့နေချိန်မှာ အပြန်အလှန် အနေနဲ့ ကူညီပေးခဲ့တယ်။ သူသေသွားရင်တောင်မှ ငါသူ့ကို ပေးခဲ့တဲ့ အသက်ကို အလျော်ပြန်ပေးလိုက်သလိုပဲ ဖြစ်မှာလေ။ ငါ့အတွက် အံ့ဩစရာ ဆိုပေမယ့် လက်မခံနိုင်စရာ အကြောင်းတော့လည်း မဟုတ်ဘူး။ မင်းတို့အတွက်ကျ အဲဒီလောက်တောင် နားလည်ရ ခက်နေကြလား”
ရဲရှောင် ခပ်တည်တည်ပင် ပြောလိုက်သည်။ ထိုသို့ တည်တည်ငြိမ်ငြိမ် ပြောလိုက်သော်လည်း သူ၏ ရင်ဘတ်ထဲတွင် နာကျင်မှုများဖြင့် ပြည့်နေလျက် ရှိသည်။
(ငါကွာ . . . ဘာလို့ ဒီမိန်းကလေးက ငါ့အတွက် သူ့ကိုယ်သူ စတေးခဲ့ရတာလဲ။ သူလုပ်ခဲ့တာကိုတောင် ငါ့ကို မသိစေချင်ခဲ့ပါလား . . .)
ယခုအခါ စေ့စပ်ညှိနှိုင်း ဆွေးနွေးနေကြသည် ဖြစ်သော်လည်း ထိုသို့ ဆွေးနွေးမှုတွင် ရဲရှောင်ဘက်မှ အလျော့ပေးလို့ မဖြစ်ပေ။ သူ့ဘက်က အနည်းငယ်သာ အလျော့ပေးမိမည် ဆိုပါက ဝမ်အာနှင့် ချူးအာတို့ ဘက်မှလည်း ရောင့်တက်လာကြမည် ဖြစ်သည်။ သူ့ခံစားချက် အစစ်အမှန်များကို အနည်းငယ် ထုတ်ဖော် လှစ်ဟ ပြသမိလိုက်မည် ဆိုပါက ထိုအားနည်းချက်ကို ချနင်းခံရပေလိမ့်မည်။
ရဲရှောင်သည် နည်းနည်းလေးမှ အလျော့မပေးချင်ပေ။ ထို့ကြောင့်ပင် သွေးအေးသည့် ပုံစံမျိုး ရှိနေရခြင်း ဖြစ်သည်။
“မင်းတို့က ငါ့ကို သူနဲ့ ခြိမ်းခြောက်ပေမယ့် ငါ့ဘက်ကတော့ သဘောတူပါတယ်လို့ ပြောမှာ မဟုတ်ဘူး”
“သူနဲ့ငါ . . . ငါတို့ကြားမှာ အချစ်ဆိုတာ မရှိဘူး။ သူက ငါ့ချစ်သူ ဖြစ်နေရင်တောင် မင်းတို့ တောင်းဆိုတာကို ငါ့ဘက်က လက်ခံမှာ မဟုတ်ဘူး။ သူသေတာကိုပဲ ငါ့ကိုအရင်ပြပြ၊ ငါတို့ကိုပဲ တစ်ချိန်တည်း သေခိုင်းသေခိုင်း ငါ့ဘက်ကတော့ လုံးဝလက်ခံမှာ မဟုတ်ဘူး။ ငါ့ဆီက ဘာမှရဖို့ မမျှော်လင့်နဲ့”
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
